krisikatzen

ELKARGANA GAITEZEN

2010-09-25T05:55:00.000-07:00

ELKARGANA GAITEZEN
..................................IRAILAREN 29AN......
....................................................NIESSEN ENPARANTZAN
............................................................................19,30TAN
NOREKIN BATERA?
.................ATENAS, EL BIERZO, PARIS, MARINALEDA, BARZELONA, BRUSELAS, MADRID, BUDAPEST, BERLIN... EUROPAKO langile-langabe-prekario-ikasle-etorkin-baztertu guztiekin
ZERTARAKO?..................PROTESTA EGITEKO KAPITALAREN TIRANIAREN ETA GOBERNUEN IRUZURRAREN AURREAN.
........................DUGUN ESPERANTZA (BEHEKOEN BATASUNA) ERAIKITZEN JOATEKO.

Amorrua... kontenplazioa... hasarrea

2010-09-25T00:44:00.000-07:00

Amorruak, esperantzak-penak, lotsak, irri-zitalak, kontenplazioak eta hasarrea.

Amorratuak daude patronala, gobernuak eta hedabideak. Amorratuak UGT eta CCOOko zuzendaritza sindikal otzanek Greba Orokorra egiteko deia egin dutelako. Horrela, sindikatu guztien desprestigio kanpaina itzela eta greba eskubidearen aurkako neurriak eta iritzi majaderikoak.

Esperantzak eta penak: Txema Madrideko Carabanchel auzoko "el vasco" da. Esaten zidan: kontentu nago grebarekin. Eransten zuen: "Pena bat bakarra dut.... que los vascos que han hecho dos huelgas generales, no se sumen esta vez".

Lotsak: Lotsaz konbokatu dute Greba Orokorra Mendezek eta Toxok. Lotsaz ari dira orain grebaren beharra esplikatzen sindikatu horietako hainbat liberatu sekula santan konbokatu ez duten asambladatan.

Irri-zitalak: EAJ, PSE, PSN, UPN-PP... irri-zitalak egiten ari dira. ELAk eta LABek, Greba honen aurrean hartu duten jarrerarekin, zure ustez, poztuko al dira? Edota urdurituko dira?

Kontenplazioak: Zergatik ez dute irailaren 29ko grebari buruz ezer esan, ez Ezker Abertzaleak, ez Aralarrek, ez Alternatibak, ez EAk?

Hasarrea: Krisia probokatu dute, diru publikoa lapurtu dute bankuak salbatzeko, estatuaren zorra eragin dute eta zorra bera aprobetxatu nahi dute harrapariak gisa, gainera austeritatea ezarri, eskubide sindikalak moztu, eta pentsioak kolokan jarri.... Hasarre bizia eta erantzun duina da langileen eta ikasleen eta jubilatuen eta libre izan nahi duten nazioen eta emakumeen eta etorkinen bide bakarra.

Joseba

GREBA OROKORRA, BATASUN SINDIKALA ETA EZTABAIDA ESTRATEGIKOAK

2010-09-18T05:24:00.000-07:00

1.- Greba Orokorra eta langileen interesen defentsarako batasun sindikala, landu beharrekoak dira. Ez da aski horiek aldarrikatzea. Egoera eta baldintzak aztertu behar dira eta ondoren erabakia hartu eta lanean jarri. Sindikatuak borrokan (kalean edo negoziazioan borrokan) bateginik ikusteak, dudarik ez, adorea eta konfidantza ematen du. Bainan batasuna abstraktuan ezin da ezinbesteko baldintza bezala hartu.
2009ko maiatzaren 21eko greba orokorrak agerian utzi zuen batasun sindikala gauzatzeko zegoen ezintasun erabatekoa. Langabezia izugarri eta oso denbora laburrean hazi egin zen prekarioz eta EREak biderkatu egin ziren, bainan orduan UGT eta CCOOeko zuzendaritzek ez zuten borroka egin nahi. Beraien konfidantza klaseen arteko kolaborazio mahaian zegoen jarrita. Egoera eta baldintza horietan ez zegoen batasun sindikalik egiterik, eta greba orokor hura (patronala, gobernuen eta UGT eta CCOOen propagandaren aurka) egitea, urrats garrantzitsua izan zen. Hego Euskal Herrian, grebarekin, agerian jarri zen norabide sindikalen zatiketa; bainan zatiketa, izan, estatuko lurralde guztietan zegoen: “minoritario” deituriko sindikatu eta korronte sindikaletan borroka borondatea antolatua zegoen, eta baita UGT eta CCOOen barruan ere bazeuden desadostasunak. Andaluziako Sindicato Obrero del Campo-k, adibidez, lurralde mugatu batean greba orokorra antolatu eta egin zuen. Borroka ez da aski izan norabide politikoa aldatzeko, bainan estatu osoan krisiari, patronalaren eta gobernuen arrokeriari, lapurketa legalari (bankuen “salbazioa” gure zergen kontura) erantzuteko zegoen beharrari muzin egin zion UGT eta CCOOen zuzendaritzen jarrerak. Negoziazio mahaia, berriz, adar-jotze galanta izan da: patronala eta gobernua (Europako Komisioaren eta FMIren babesarekin) geroz eta erasokorragoak eta sindikatuak eta langileak geroz eta umiliatuagoak.
Borroka hartan, eta ondorengoetan, gainditu beharreko bigarren oztopoa jarri da agerian: sindikatuen jarrera nazionala. Ez dut nik onartzen langileen batasun internazionalaren izenean Espainiako batasun nazional ukiezinaren inposizioa babestea. Aitzitik, langileen batasun internazionalaren izenean sindikatuek beharko lukete inposizio horren aurka eta autodeterminazioaren aldeko ahotsa altxatu. Uste dut, aldiz, UGT eta CCOOeko jokamoldea, besteak beste, ondo egokitua dagoela pakto konstituzionalaren barruan, eta beraiek direla ere, injustizia horren euskarriak.
Azkenik, badago ere gainditu beharreko hirugarren zailtasun bat: sindikatuen arteko aparatuen konpetentzia. Normala da. Bainan kontutan hartu beharko genduke sektarismorako joera elika dezakeela.
2.- Aurtengo udaberria eta uda parte honetan Europan aldaketa nabarmen bat eman da. Greziako langilegoari ezarritako zigor eskandalosoaren ondoren, Europa osoko estatu guztiek, estrategia berdintsua jarraituz, gerra ekonomikoaren deklarazio ezin garbiagoa egin dute. Langabezia tasa altuen onarpena, austeritate plan gogorrak (soldatak, hezkuntza, osasungintza, babes soziala), erreforma laboralak, pentsioen murrizpenak. Pakto sozialerako zirrikituak ere itxi egin dira. Patronalak eta gobernuek onartzen duten bakarra gerri-estutze latzaren bidean, ogi-apurtxoak dira. Egoera hoen aurrean, nahiko kolaborazionista den Europako Sindikatuen Konfederakundeak (Europako konstituzio neoliberal eta militaristari baiezko kritikoa eman zion) mobilizazio europearrak egiteko deia luzatu du. Eta egoera berberean UGT eta CCOO zuzendaritzak behartuak sentitu dira greba orokorra egiteko deia egitera.
Greba orokor honen aurrean esango dute batzuk greba-tranpa dela edota greba-espainola dela eta horregatik paso egin behar dela. Ez nago ados. Greba hau borroka bidean urrats bat da eta horregatik ari dira sindikatu guztien aurkako eta grebaren aurkako desprestigio kanpaina itzela egiten patronala, gobernuak eta horien menpeko hedabideak. Greba hau milaka langile militante ari dira prestatzen (UGT eta CCOOko lurralde eta nazio guztietako militanteak eta “minoritario” deituriko sindikatu guztiak: CGT, SOC, CSI...) eta milioika langilek egingo dute greba. Eta hauek ez daude “pakto sozialaren” filosofiaren alde, borrokaren alde baizik. Ezin dugu greba murriztu eta zuzendaritza burokratikoen inkoherentzia eta asmoekin berdindu. Greba hau okasio bat da borrokako sindikalismoaren agerpen publiko eta indartsurako. Gu izan gaitezke agerpen horren euskarri eta bultzada. Bestalde, lasaitu dezakegu geure kontzientzia esanez greba espainola dela, bainan justu orduan, erantzun beharko diegu galdera hauei: zertan datza euskal langilegoaren internazionalismoa? ez al da hau okasio garrantzitsu bat, gu borrokan inplikatuz, aldi berean, sindikalista borrokalari askorengan Euskal Herriaren eskubide nazionalen justiziaren eta autodeterminazioaren eskubidearen aldeko jarrera sustatzeko? Nik dakidala ELAk Bruselasko euromanifestazioan parte hartzeko asmoa du. Eta ondo iruditzen zait. Bainan ez al da Europako Sindikatuen Konderakundea erakunde nahiko kolaborazionista? Nik dakidala LABek babestu du Frantziako greba orokorra irailaren 7an. Eta ados nago. Bainan ez al zen hura greba frantzesa? Orduan, zergatik hemen ez? Ezin al dugu gure nazioaren langilego bezala geure ahots propioa altxa borrokan bat eginik?
Niretzako, irailaren 29a okasio bat da. Krisiak eztanda egin zuenetik Europako langilegoaren borrokan batasuna esperimentatzeko lehen okasioa, eta batasun hori gurutzeala izango da datozen urteetan. Eta langileak ondoratzearekin batera, nazioen eskubideak ukatuz, kulturak manipulatuz, patriarkatua defendatuz eta lurra suntsituz ari diren gobernu monarkiko konstituzional guztien aurkako langileen arteko aliantza lantzeko okasioa ere bada. Eta alianza hau, sahietsezina da guztiontzat. Horregatik, uste dut nik, komenigarria litzateke ELAk eta LABek 29rako beren dei propioa egitea.
Joseba Barriola.

MISTER BLAIRREN SASI-BIDAIA

2010-09-17T13:09:00.000-07:00

Erresuma Batuko “Premier” izandakoak, kargu horretan egon zeneko garaiaren (1997-2007) bere memoriak argitaratu ditu “Bidaia” izeneko liburuan. Hori dela eta Le Monde aldizkarian egin zioten elkarrizketa bat irailaren 5ean.
Diotenez, kargua utzi ondorengo hiru urteetan bi gertakari nagusi ezagutu ditu Blair jaunak: katolikotu egin da (une ilunetan parabolaren bat edo beste meditatzen ditu) eta izugarri aberastu da (hitzaldiak, memoriak: 5,5 milioi euro, multinazionalen kontseilaria, Ekialde Urbilerako sasi-arduradun nagusia izendatua eta ordaindua). Ez du elkarrizketan “aberatsaren eta jostarratzaren begiaren” parabola esplikatzeko astirik eduki.
Bidaia jarri dio izenburu bere liburuari. Ez pentsa. Sasi-bidaia da. 1997an hartu zuen leku berean ez da milimetro bat mogitu; gehienez leku bereko estolderian sakonagora jo duen bere harrokeriak eta itsumenak jadanik kiratsa dario.
Lehen, gerra prebentiboaren aldekoa zen, orain prebentzioa ondorengo belaunalditaraino luzatu nahi du. Sinistezina, bainan deklaratu du: “2003ko inbasio aurretik Iraken arma suntsikorrak ez zuela jakin izan balu ere…gerra ezin zen sahiestu.. Askatasunaren aldeko gerra zen”. Honaino betikoa, bainan jarraitzen du diktadorea irauli beharra zegoela zeren “egunen batean edo bestean, berak edo bere semeel berriro ekingo bait zioten arma suntsikorrak egiteari, eta Al-Qaidari emateko arriskuarekin”. Fantasia kriminal hori baino larriago: Iraken egindakoa Iranen errepikatzearen aldekoa da katoliko hau.
Blair krudelaren lagunak dira Nicolas eta Al Maliki. Horrelakoak lagunak: bata Irakeko morroi korrupto konbiktoa eta bestea Frantziako arrazista deklaratua.
Mister Blairrek esaten du aipaturiko elkarrizketan: “Pentsatzen dut Europa iratzarri behar dela…” eta honetan asmatzen du azti-ikasle memelo honek. Izan ere, Blairrek uste ez duen moduan, Europako langilegoa iratzartzen ari da. Irailaren 29a iratzarpen honen egun seinalatuetako bat izan daiteke. Gure esku dago.

BRUSELASKO EUROMANIFESTAZIOA

2010-09-07T08:57:00.000-07:00

Europako Sindikatuen Konfederazioak deia luzatu du 29an Europa osoan ,manifestazioak antolatu daitezela krisiaren kontra. Agiriaren izenburuak honela dio: AUSTERITATERIK EZ? LEHENTASUNA HAZKUNDE ETA ENPLEGUARI;Brusellasen egingo da euromanifestazio nagusia.
Hasiera besterik ez da. Alterglobalizazioaren mogimenduak egin zituen hainbat mobilizazio europearrak: genevakoa, Irak-eko gerraren aurkakoa, Copenhagenekoa... Oraingo hau da nik dakidala, krisiaren eztanda ondorengo lehen deialdia sindikal europearra. Ongi etorria.
Agirian lau puntu azpimarratzen dira: austeritate neurriak(langabezia, oporbezia);krisia ordain dezatela erantzuleek,hau da, bankuek; Europa solidarioago eta sozialagoa;hazkunde eutsigarria.
Buruzagi sindikalistek oso era abstraktuan hitzegin dute. Jarritako helburuak zehaztu daitezke. Adibidez: Europako estabilitate paktuaren derogazioa; lotsaren dekretuaren abolizioa; Lisboako Paktoaren derogazioa; Bolonia prozesuq geldieraztea; Afganistanetik Europa kanpora eta NATO desegin; Europa osoan 32 orduko lan-astea...
Ez dute zehazten. Entzuna dut Europako Sindikatuen Konfederazioak "baiezko kritikoa" empan ziola Europako Konstituzio neoliberal kapitalista eta militaristari! Agian CES delakoak esplotazio sistema jasangarria nahi du!
Ez naiz fido; bainan euromanifestaziorako deia euskal herriko langile eta herritarrei egina da, eta bertako sindikatuek serioski beharko lukete erantzun. Krisia hasi zenetik Europako langilego gisa jokatzen hasteko lehen abagadunea dugu.
Joseba

EUROPA BERRIA POSIBLE DA

2010-09-02T20:29:00.000-07:00

1.- Bizitzen ari garen krisia irakasle zuhurra da.
Krisiak erakusten digu akumulazio kapitalistaren helburuaren inguruan antolaturiko sistema ekonomikoaren logikak, ez duela ez bizitza (gosea eta langabezia), ez askatasuna (demokraziaren bahiketa), ez pakea (gerrak), ez kontzientzia (gezurraren erabilera eta sentimenduen manipulazio lotsagarria), ez kultura (pentsamenduaren merkantilizazioa), ez lurra (kutsadurak eta txikizioak), ez zerua (aldaketa klimatikoa) errespetatzen.
Krisiak erakusten digu kapital handiaren (nazional eta multinazionalak) erakundeak gerra egiteko prest daudela, eta ahoskatzen dituzten hitzak geroz eta erasokorragoak, krudelagoak, lotsagarriagoak eta iraingarriagoak direla jende umila eta pobrearekiko.
Krisiak erakusten digu gobernuak, parlamentuak eta epaitegiak, salbuespen bat edo beste kenduta, kapitalaren morroi ondo koipetsuak baizik ez direla. Europako gobernu guztiak sail honetan sartuak daudela.
Eta krisiak erakusten digu populazioaren jende gehienak, langileak (lanetuak eta langabetuak, denak dira langileak) ezin direla ez bankan ez multinazionaletan ez enpresari handietan ez gobernutan fido. Eta fidagarritasuna, konfidantza eta esperantza kolpez golpe eraiki beharra dagoela. Behekoen arteko elkartasun kolpez, behekoek elkarrekin altxatutako borrokaren bidez. Geuk, gugan, eraiki beharreko zapalduen batasunean izan dezakegu esperantza, beste inon ez.

2.- Azken urteetan Europan bertan ezagutu ditugu: krisiaren eztanda eta langabeziaren hazkunde gogorra; bankaren salbazioa; austeritate planen ezarpena; erreforma laboralak……Europako gobernu guztiek ildo berdinetik jo dute, berdintsu jokatu dute. Eta gogor jotzen ari dira, latza delako krisia eta, gainera, sozialdemokraziaren partiduak irentsiak dituztelako, sindikato nagusienak domestikatuak, eta langilegoa desmobilizazio eta pakto politikaren bidez urte luzeetan ahuldua.
Eraso hauen aurrean bi erantzun estrategiko nagusi ikusi ahal izan ditugu: Pakto sozialaren aldeko estrategia. Estrategia honek bilatzen duena da krisiaren ondorioak “guztion” artean banatzea eta horregatik mobilizazioa baztertu du, eta sistemaren erreformak bilatzen ditu. Estrategia hau antzua gertatu da, eta erabat insolidarioa prekario, langabetu eta jubilatuekin, eta etsipena elikatzen du. Beste estrategia, borroka eta autokonfidantzaren estrategia izan da: krisia erantzulek ordain dezatela bilatzen du, pakto sozialaren ilusio faltsuak ezabatzen saiatzen da, eta ulertzen du gizartea antolatzeko sistema kapitalista irauli beharra dagoela. Bere helburua ez da krisitik ateratzea, krisiaren aurka borrokatuz eta krisia argituz kapitalismotik irtetzea baizik. Euskal Herrian ikusi ditugu bi joera horiek garbi azken bi urteetan.

3.- Azken urte hauetan Europako lurralde desberdinetan egin izan dira hainbat greba eta mobilizazio handi krisiaren aurka. Hego Euskal Herriko bi greba orokorrak; Greziako hainbat greba orokor indartsuak; Frantzian egindako Greba Orokorrak; Andaluziako nekazariek egindako greba orokorra; hainbat manifestazio erraldoiak; borroka sindikal gogorrak; Bolonia prozesuaren aurkako unibertsitateetan egindako grebak, manifestazioak, okupazioak….
2010eko iraila honetan, eta Europako gobernu guztiek adostu duten erasoen aurrean, deialdiak ugaritu dira: irailaren 29rako, Sindikatuen Konfederakunde Europearrak mobilizazio eguna konbokatu du eta Bruselasen egitekoa da manifestazio europearra; irailaren 7an Frantziako estatuan sindikatuek grebara deitu dute eta Sarkozyren politika arrazistaren aurkako manifestaldiak konbokatu dira; irailaren 29an Grezian eta Espainiako estatuetan greba orokorrerako deialdia dago.

4.- Espainiako estatuan CCOOk eta UGTk, behartuak eta beraien ildo sindikal antzuaren porrot osoa ikusiz eta beraien entregismoa zuritu nahian, greba orokorra egitera deitu dute irailaren 29rako. Enpresari handien komunikabideek aspalditik ari dira edozein grebaren, eta bide batez, sindikatu guztien aurkako kanpaina zitala egiten. Zapaterok erakutsi du Japonen bere talante iraingarria eta zitala, esanez prest dagoela greba ondoren negoziatzen jarraitzeko, hau da, langileei egurra eman eta gero zurikeritan ibili.
Bainan irailaren egun berean, 29an, eta sindikatu hauen pakto politika antzua eta etsitzailea kritikatuz eta aldaketa erradikal bat aldarrikatuz hainbat sindikatuk (CGT,USO, SAT, Sindicato de Obreros del Campo, Corriente de Izquierda Sindical etabar...) greba egiteko deia egin dute. Greba egun horretan agerian jarriko dira krisiari aurre egiteko bi korronte, bi planteamendu, baita Espainiako estatuko lurraldeetan ere.

5.- Hego Euskal Herrian bi greba orokor eginak ditugu azken urte pare hauetan. Espainiako gobernuaren eta Europako komisioaren aurka Bruselastik Andaluziaraino Grezia eta Paris zeharkatuz altxatzen ari diren ahotsak eta mobilizazioak pozten naute. Beharrezkoak ikusten ditut ahal den mobilizazio orokorragoak eta indartsuagoak egitea. Bereziki estimatzen dut militante kopuruz txikiagoak diren bainan asmoz eta borondatez saiatuagoak eta argiagoak eta esperantzagarriagoak diren sindikatu “minoritario” horien ahalegina. Eta uste dut, nola edo hala, agerian jarri beharko gendukeela Euskal Herrian borroka horiekiko begirunea, eta mobilizazioen bidez eta egun berean erakutsi. Nire aldetik, greba orokorra hemen ere. Gure nazioaren langilegoaren hitza altxatuz, beste eredu baten alde, eta beste herrialdetan gorripidean borrokan ari direnekin bat eginez. Gure hitzak oiartzun handia izan dezake.

Maixu

Iraila goria: LABURRAK

2010-09-02T20:21:00.000-07:00

1
Une bakoitzak badu bere posibilitate iraultzailea. Oraingo uneak duen posibilitatea detektatzea eta posibilitate hori enkarnatzea da auzia.
Oraingo unea. Adibidez: Krisia Europan; Irailan Europan langileen sindikatuek deituriko mobilizazioak –Grezia, Frantzia, Espainia, Bruselas…-- Berotzen hasi da eta gorputz hartzen ari al da Europa mailako langileen erantzun kontundentea? Hori al da oraingo uneak duen posibilitate iraultzaileetako bat? Lehen aldiz, krisi honen barruan, Europako zapalduen batasuna nola eraikitzen ari den esperimentatzeko posibilitatea?
Horrela balitz, zer nolako moduz eta ekintzez haragitu dezakegu posibilitate hori? 2010eko iraila izan al daiteke krisiaren kontrako Europako langile mogimenduaren iratzartzearen, jadanik badatorren iratzartzearen, hilabete erabakiorra? Gure esku.

2
Hilabete honetarako deialdi multzo bat eginak daude: Greba orokorra Frantzian (irailak 7); manifestazioak Sarkozyren politika arrazistaren aurka (irailaren erdialdean); CES (Coordination Europeenne de Sindicats) deituriko mobilizazio europearrak, Bruselasen nagusiena egingo delarik; greba orokorra Grezian eta Espainiako Estatuan.
Ez dakit Rumaniatik Portugaleraino eta Finlandiatik Italiaraino zer dagoen prestatua. Bainan Europak hartu dituen neurri amankomunen ondoren (bankaren salbazioa eta austeridade plan gogorrak ezartzea), Europa mailako erantzuna elikatzea interesgarria da. Interesgarria itotzen eta zanpatzen gaituen tiraniatik, kapitalaren tiraniatik, askatzen hasteko.
Imaginatzen gainera, zein interesgarria litzateke Europa kapitalista ahul eta apuratua Afganistanetik irten beharrean, Israelí ezin lagunduz, Afrikako control militarra ezin eutsiz, Hegoamerikarekin operario político neoliberalak ezin eginez….
Gainera, amets erraldoi honek izan dezake gaur egun gorputz materialik! Eta amets egina osasungarria da. Arriskua bakarra da amets ez-egina.

3
Zapaterok esan du Japonian: “Tras la huelga general me reuniré con los sindicatos”.
Zapaterok esan du: Zertarako egiten duzute greba orokorra nire jarrera talantetsua baldin bada? Alferrik duzute greba, prest bait nago “dialogatzeko”!
Zapaterok egin du: lehenengo, langileen bizitza zurrupatzen hasi, eta gero, bere irrifar tentelaren ukendua eskeini.
Zapaterok tontotzat hartzen gaitu. Hori da G-20ko bileretan ikasi duen gauzarik printzipalena: nola zurikeritan ibiliz jende xumea engainatu.
Zapaterok eraiki du lastozko zubia, handik amildegira botatzeko langileria.
Mendezek esan du: Greba ondoren ez dugu eskatzen bilera bat, Zapateroren politikaren errektifikazioa baizik.
Langile askok esaten du: Greba ondoren Mendezen politika sindikalak funtsezko aldaketa behar du.

Islandiako Iraultza?

2010-07-13T12:10:00.000-07:00

Zer ari da gertatzen Islandian? Krisi finantzieroa gogor jasan du Islandiak, eta protestak egiteko ohiturarik ez zuen irla honetako biztanleek gogor eta imaginazioarekin erantzuten ari diote. Argi dute beraiek erabakiko dutela arazoak nola konpondu.
Irakurri artikulu hau, benetan interesgarria da eta komentatu zer iruditzen zaizuen.
¿Qué está pasando en Islandia? anarquía, surrealismo y creatividad lideran la revolución de Europa

Gora Alderdi Onena!

SOS Arrazakeriak babesa behar du

2010-07-11T11:38:00.000-07:00

Hedabideetan azaldu denez, Igan-tziko auzo-elkarteak ez du ondo ikusten SOS arrazakeriak bere auzoan bulego bat irekitzea. Ez gaude ados jarrera horrekin. SOS arrazakeria etorkinei laguntzeko eta bere eskubideak defenditzeko sorturiko elkartea da. Eta gure babes guztia behar du.
Izan ere, etorkinak, ez lehen eta ez orain, ez dira problema. Lehen diktadura zen problema, milioika pertsona emigratzera bultzatu bai-tzuen. Orain, Europak eta multinazionalek daramaten politika internazionala da problema, munduan miseria, gosea eta gerrak sorraraziz eta hemen etorkinak klandestinitatera eta kontzentrazio-eremutara kondenatuz. Etorkinak, gu bezala, merkatu sistema kapitalista honen biktimak dira. Etorkina gu bezala, eta larriago, munduko zapalduen multzokoa da. Etorkina problemarekin berdintzea, etorkina arriskuarekin eta bortizkeriarekin berdintzea, ez da justua eta hipokrita da.
Orain ezagutzen hasi garen austeritate plan gogorrak biderkatuko ditu hemen baztertuak eta miseria gorrian bizi direnak. Horiekiko elkartasuna eta plan sozialak eta osasungintza eta hezkuntza dohain eta kalitatezkoak aldarrikatzen eta exijitzen dugun bezala, etorkinekiko ere berdin jokatu behar dugu. SOS arrazakeria kapital mundialak sortzen dituen biktimekiko elkartasunaren adierazpen xume bat da. Sinatzen dugunok SOS arrazakeriaren eta Auzo Elkartearen arteko elkarlana beharrezkoa ikusten dugu.

Sinatzaileak:
J. Barriola, J.R. Gurrutxaga, Laura Lopez, Kontxi Martin, Pedro Boubeta, Julia Irasuegi, Laura Irasuegi, Gema Mariezkurrena, Koldo Gorostidi, J .A. Izquierdo, Filo Juanikorena, J.M Karrere, Mikel Martin, Fidel Alcala, M. Luisa Zabala, Jesus Aizpurua, Nathalie Pelage, Celine Urzaiz, Ainara Gurrutxaga, Joxin Arregi, Imanol Miner, Laura Vara, Beñat Irasuegi, Enaitz Lizardi, Igor Errazkin, Oscar Manso eta Lorentxo Garmendia

Greba Euskal Herrian

2010-05-21T07:20:00.000-07:00

Albisteak 2.0.010 from Albisteak 2.0 on Vimeo.

Datorren astearterako eta datozen asteetarako giroa prestatzen + informazioa.

birasuegi

Deshazkundeari buruz

2010-05-20T06:55:00.000-07:00

Azken aldian alde batetik eta bestetik entzuten dut deshazkundea hitza. Modan ote dago? galdetzen diot nire buruari eta zenbait lagunekin ere komentatu izan dut, baina egia da ez dudala medio masiboetan entzun, lagunen bitartez edo saltsan nabilen zenbait taldetan aipatu izan da, baita interneten gora eta behera nabilenean txoko batean baino gehiagotan topatu izan dut.

Baina zer da orduan deshazkundea, toki erabat ezberdinetan aurkitzeko? Hori jakin nahiean nabil eta dokumentazio lanetan nabil. Hala ere, naiz eta asko irakurtzen ari naizen gaiari buruz, askotan zuzenean beste norbaiten ahotik entzuteak eta esplikazioak jasotzeak gehiago laguntzen du, eta kasualitatez aukera ederra sortu da.

Gaur osteguna arratsaldeko 19:30etan Mikelazulo Elkartean, eta Oarsoaldeko Zutik-ek antolatuta Deshazkundeari buruzko hitzaldia izango da, Bikilak aurkeztua eta Deshazkundea kolektiboko Ivan Molina hizlari izango delarik.

Dexente ikasiko dugula uste dut. Ondoren eztabaidatuko dugu hemen?

birasuegi

Maiatzak 25: GREBA OROKORRA PUBLIKOAN

2010-05-19T08:41:00.000-07:00

Hona hemen nik dei egin duten sindikatuei eskatzen diedana:
1.- Grebalariok elkarretaratzeren bat egingo dute 25an? Bailaran? Non eta zer ordutan? Eguerdi aldean mereziko luke.
2.- Greba Orokor Publikoaren egunean manifestazioren bat egingo al da arratsaldean bailaran? Bertan parte hartzera deituko al zaie langile guztiei, pentsionisteei, gazteei? Ez da irakaslegoarekin eta funtzionarioekin solidaritate soila. Neurriak orokorrak dira, eta neurri gogorragoen abisua.

Zeren agindutako neurriak denoi ukitzen gaituzte:
***Funtzionarioen soldatak, eta hori izango da erreferente enpresa guztietarako. Egurra soldatak murriztu arte. Prekarioen soldatak, etorkinen soldatak...
***Zerbitzu sozialetan murrizketa handiak: osasungintza, irakaskuntza orokorra,unibertsitateko Bolonia neurriak (bere benetako aurpegia), paroa, garraioak,hirugarren adinekoen zaintza, emakume mehatxatu eta bortizki kolpatuen aldekoen neurriak...
***Pentsionisten sarreren izozketa...

Ados bazaude, deitu eiozu zure sindikatukoei edo zure lagun sindikalistari eta galdetu eta eskatu...

Maiatzarenhogeitatekoa.

ENTZUNDAKOAK

2010-05-17T12:37:00.000-07:00

Zapateroren ukabilkada entzun ondoren, honakoak jaso ditut.
***Beti bezala, betikoak ordaintzea....
***Edozer eginda alperrik izango da...
***Norbaitek jarri du kartel bat "Greziarekin elkartasuna". Eta guri zer? Guri nork lagunduko digu?
***Elkarte Autonomoan, Espiniako besteekiko solidaridade modura onartu beharko genduke ere %5a galtzea!
***Zapateroren neurriak ez dira aski eta gainera injustoak dira!! (Brabo Rajoy). Egur gehiago eman behar da... bainan justizia pixko batekin? Y tú me lo dices, mientras tus chupópteros arrasan las arcas públicas!!!
***Aiton-amonei pañaletarako errezeta kopurua murriztu egin diete. Batek esaten zuen: "tendremos que hacer una manifestación "con el culo al aire!"
***Maiatzaren 25ean Zerbitzu Publiko guztietan greba orokorra!.(ELA-LAB-ESK-STEE-EILAS-HIRU).
***Maitzaren 20ean kontzentrazioak eta ekainaren 8an greba orokorra (CCOO-UGT).
***CCOO-k eta UGT-k greba atzeratu dute, eta diotenez, gobernuari dekretoaren zehaztapenak hobeto esplika dezan denbora emateko!!!!!!

Begirale

ZAPATEROREN GAIXOTASUNAREN DIAGNOSTIKOA

2010-05-14T05:34:00.000-07:00

Zapatero gaixo dago. Gaixotasun larria. Hona hemen ondorio honetara eraman naueten elementuak.
1.- Errealitatearen ukazioa. Krisia abiadura handian zetorrenean, desazelerazio bakarrik ikusten zuen. Errealitatearen ukazioari, neurosis deitzen diot.
2.- Nortasunaren ukazioa. Zapatero socialista omen da, bainan hartu dituen neurri guztiak (bankuei diru publikoa eskeintzea, ondorengo neurriak, oraingoak) kapitalista huts eta garbiak dira. Nortasunaren ukazioari, psikosis deitzen diot.
3.- Krisian bi norabide, bi mezu nagusi, aldarrikatu du. Lehena, kontsumi ezazu! (koteak erosteko lagunak, diru barreiatu udaletan, haur jaio berrien famili-laguntzak); orain, berriz, ez ezazu kontsumitu! (gastu publikoak murriztu, soldatak gutxitu, pentsioak izoztu…). Gora kontsumo, behera kontsumo... mezuek adierazten dutena da joera maniako-depresiboa.

Ondorio orokorra. Zapateroren gaixotasuna neurosis psikotiko maniako depresiboa da.
Ez gaitezen fida. Agian itxurazko gaixotasuna da, geuri egurra jotzeko asmotan asmatua.

Joseba

krisikatzen batzarrean

2010-05-12T08:57:00.000-07:00

Krisikatzenekook batzarra egin dugu. Adibidez: badago hor anuntzio bat zeinean azaltzen den Urrian Oarsoaldean zegoen langabetuen kopurua. Hori kendu behar dugu. Zaharkitua dagoelako. Nahi bada berria jarri, baino gaurko datuekin.
Batzarraren puntu bat hauxe izan zen: eraman ezin dugun zama kendu. Momentuz ezin dugu, adibidez, bailarako informazio eguneratua, esanguratsua eta poetikoki landua eskeini. Fuera bada alperrikako zama urduritzailea. Krisikatzen-ek ez du zamarik gainean onartzen, ezta geure buruari jarritakoa.
Bigarren, esperimento bloga izan nahi du krisikatzen-ek. Krisiarekin loturan, krisia zabalean, guk geuk hitzegiteko era berri bat landuz: ikuspegiak, formak, loturak... ezustekoak bilatuz, sakonduz eta geure hizkera eta ideiak elkarrekin ezbaian jarriz. Guk geuk aberasteko, irudimen, hitz, pentsamendu aberasteko egina. Bildu nahi dela meategi honetara, ateak irekiak ditu, aberatsagoa litzateke.
Hirugarren, ondoren, noizenbehinka, maiztasun lasai baina efektibo batez tortila baten inguruan bildu (hurrengoa Gorkarekin) eta ezintasunak ahaztuz egindakoaz ikasi.
Maixu.

Peoples of Europe, Rise up!

2010-05-04T12:35:00.000-07:00

by: KKE

Irudi indartsua. Grezia ez dago salgai.
Eskaera argi eta zuzena egin digute Greziatik.
Zeren zain gaude?

EVOREN MANDAMENDUAK

2010-04-18T07:20:00.000-07:00

Salbuespen gisa hemen duzute 12 orrialdeko testua.

Sarrera:
"Gaur egun Ama Lurra larri gaixo dago. Planeta sukarrez. Inoiz ez da ikusi elurmendi eta glaziarrak desagertzen. Inoiz ez da ikusi animali eta landare milaka espezie desagertzen. Inoiz ez gara hainbeste hondamendi sozial eta ingurugirokoen lekuko izan, eta hondamendiak geroz eta maizago eta latzagoak dira.
Historiaren gaurko unea erabakiak hartzekoa da, naturak gure ordez hartu aurretik. Planetaren tenperatua gorantza badoa eta ez badugu ezer egiten, aldaketa klimatikoaren eraginak zorigaiztoko ondorioak ekar ditzake planetarentzat, gizadiarentzat eta bizitzarentzat.
Ez dugu denbora askorik. Azkar xamar ekin behar diogu auziari. Hasi berria den milurteko hau Bizitzaren Milurtekoa, Esperantzaren Milurtekoa eta naturaren eta gizakioen arteko Armoniaren Milurtekoa behar du izan.
Horregatik proposatzen dut 10 agindu hauek planeta, gizadia eta bizitza salbatzeko.

1 KAPITALISMOAREKIN AMAITU
Aldaketa klimatikoa gizakien jardueraren ondorioa da. Ez dago honetaz zalantzarik. Milaka zientzilarik hitzegin dute horretaz. Dudarik gabe datozen hamarkadetan tenperaturaren igoerak ondorio izugarriak sorraraz ditzake.
Orain badakigu planetaren temperatura datozen 100 urteetan bat/sei gradu zentigrado tartean igotzen bada, munduko fauna eta floraren espezie guztietatik heren bat edo bosten bat desagertuko liratekeela. Igoera horrek, gainera, milioika pertsonen bizileku diren uharte eta kostaldeak urazpiratuak izatea erangiko luke.
Denok dakigu planetaren beroketa orokorra karbono dioxidoaren igorpenagatik dela. Eta denok dakigu karbono dioxidoaren igorpena gertatzen dela petroleo eta bestelako energia fosilak gehiegi erabiltzeagatik. Horregatik mundu guztian petroleo gutxiago kontsumitzeko, karbono igorpenak gutxitzeko, zaborra berziklatzeko eta inguru giroa babesteko kanpainak egiten dira.
Zientzilariek esan digute, haatik, kanpaina hauek ez dutela planetaren beroketa orokorra frenatu.
Gu, herri indigenok, badakigu kanpaina hauek ez diotela Ama Lurraren gaixotasunik larrienetakoa sorrarazi duen egiturazko kausari aurre egiten.
Badakigu Ama Lurra sendatzeko eta osatzeko, duen gaixotasunaren izen abizenaren kontzientzia behar dela eduki. Eta gaixotasunaren izena hauxe da: sistema kapitalista mundiala.
Ez da aski esatea aldaketa klimatikoa planetan gizakiak burutzen duen jardunaren emaitza dela. Esan beharra dago sistema bat dela, pentsatzeko eta sentitzeko era bat, aberastasuna eta pobrezia sorrarazteko modu bat, “garapen” eredu bat dela amildegiaren ertzetara eramaten gaituena.
Sistema kapitalistaren logika da planeta errausten ari dena, gauza guztien gainetik etekina eta etekina gehiago ateratzearen logika. Enpresa transnazionalen logika da, horien interesa soilik baliabideak handitzea eta kostuak jeixtea bait da. Amaierarik gabeko kontsumoaren logika da, merkatu eta baliabide naturalak eskuratzeko tresna gisa gerra erabiltzearen logika da, eta bost axola baldin eta merkatu eta etekin gehiago eskuratzearren basoak desegin, langileak ustiatu eta langabezira bota eta gizabizitzarako oinarrizkoak diren zeribitzu sozialak pribatizatu behar badira.
Lehiakortasunean eta etekinean, sistema kapitalistaren motorrean, bilatu behar dugu aldaketa klimatikoaren iturria, kausak eta azalpenak.
Kapitalismoarentzat ez dago begirunerik merezi duen objekturik.. Kapitalismoaren eskutan dena merkantzia bihurtzen da: ura, lurra, giza-genoma, antzinetako gure kulturak, justizia, etika, heriotza…bizitza bera. Dena, guzti-guztia, erosi eta saldu egiten da kapitalismoan. Aldaketa klimatikoa bera merkantzia bihur daiteke.

Ezin dugu geure burua engainatu. Kapitalismoak irauten duen bitartean aldaketa klimatikoaren ondorioak mantenduko dira; kapitalismoak irauten duen bitartean karbono igorpenak gorantza egingo du, nekazal-muga hedatuz joango da eta zaborra planeta estaltzen joango da. Ez diezaiogun geure buruari engaina: bizitza aske eta duinaren helburua bateraezina da kapitalismoaren bizimoldearekin.
Aldaketa klimatikoari buruzko eztabaida serio eta benetakoari hasiera eman nahi badiogu jakin beharra dugu bi bizimolde, bi kulturen arteko borroka dela: zaborra eta heriotzaren kultura eta bizitza eta pakearen kulturaren artekoa. Hau da aldaketa klimatikoari buruzko ezbaiaren muina.
Planeta gordetzeko, bizitza eta giza-espeziea bera babesteko, kapitalismoarekin amaitu behar dugu.

2.- GERRARI EZEZKOA EMANEz dago Ama Lurrari eta bere seme-alabei eraso zitalagorik egiterik gerra baino. Gerrak bizitza desegiten du. Ezer eta ez inor ezin da gerratik baztertua gelditu. Borrokan dihardutenek sufritzen dute eta gerra elikatzeko ogirik gabe gelditzen direnek ere. Gerran, Lurra eta bizianiztasuna saminetan dago. Gerraren ondoren ingurugiroa ez da inoiz berdina mantenduko.
Bizitza eta baliabide naturaletan zarrastelkeriarik handiena gerra da. Boliviartarrok badakigu zer den gerra. XVIII mendean, Pazifikoko gerran, gure itxasora bidea galdu genuen. Guano, salitre eta kobrea kontrolatzearren Txilen ezarritako enpresa ingelesek sustaturiko gerra izan zen. Chacoko gerran, 1932-1936 urteen artean, 90.000 soldaduk eskeini zuten bizitza. Standard Oil eta Shell petroleoaren transzionaleen diru-gose eta grinak sustaturikoa izan zen. Galdu genuen ere, goma eta kautxoz lurralde aberatsa zelako, Acre boliviartarra.
Arrazoi historiko hauek direla eta gure Estaduaren Konstituzio Politiko berrirako egitasmoan artikulu bat jarri dugu, zeinean esaten da garbi:
“Bolivia estatu pakezale da, pakearen kultura eta pakerako eskubidea sustatzen du, hala nola kontinente honen eta munduko herrien arteko lankidetza, elkarrekiko ezagutza, berdintasunezko garapena eta interkulturalitatearen zabalkundea, estatuen burujabetzarekiko begirune osoz. Boliviak, estatuen arteko eztabaida eta istiluen konponbide-tresna gisa, eraso-gerra guztiak baztertzen ditu.” (10. art).
Orain, XXI mendean, gerrak sofistikatuagoak dira, bainan gerrara daramatzaten arrazoiak berdintsuak dira. Gaur, haatik, munduko herriek gerrara zuzenduriko baliabideen zarrastalkeria salatu ahal izateko informaziorik badugu.

· IRAKEKO GERRA ETA BEROKETA OROKORRA · AEB-ak Irakeko gerran gastatu duen guztiarekin, beroketa orokorra joera murrizteko energia berriztagarrien inbertsio guztiak ordaintzeko beharrezko dirua estali zitekeen.· Irak-eko gerraren ondorio izan dira, gutxienez, 2003tik hona CO2ko 141 tona metriko. Kantitate hau 25 milioi kotxeren ixurketaren baliokide da.· Gerraren ixurketak herri batenak bait liran kontabilizatuko balitzateke, herrialde horrek urtean 139 herrialde botatzen dutena baino CO2 gehiago botako luke. * Barack Obamak hitz eman du “energia berdearen hurrengo belaunaldiaren teknologia eta azpiegituretan 150.000 dolar jarriko dituela hurrengo 10 urteetan”. AEB-ak ia kantitate hori gastatzen du Irak-en 10 hilabeteetan.

Munduko herrialde guztien aurrekontu militarra 1.100 bilioi dólar/urteko baino gehiagokoa da. Estatu Batuak aurrekontu horren erdiaren erantzule da; Japoi, Bretaina Handia, Frantzia eta Txina aurrekontu horren %17aren erantzule dira. Zenbait azterketan erakusten da urtero 24 bilioi dolarrekin –gerrarako aurrekontuaren %2,6a- planetan gosez dagoen jendetza erdira jetxi daitekeela. Beste datu bat: 12 biloi dólar hutsekin --gerrarako aurrekontuaren 1,3 soila—mundu osoko emakumeen osasun erreproduktiboa bermatu daiteke.
Zifra hauetan oinarriturik, munduko herriek badugu eskubiderik galdera hau egiteko: nola ulertu daiteke esku batekin aldaketa klimatikoaren aurka borrokateko milioika dolar biltzea, eta, beste eskuarekin, heriotz eta suntsipen aurrekontuetan milaka milioi dolar gastatzea?
Erantzun bakarra du galdera honek: kapitalismorik ez dago gerrarik gabe, gerra kapitalismoaren industria handienetako bat da, mundu mailan bigarren industria handiena.
Berriro ere, ezin gara engainutan erori. Planeta salbatu nahi badugu heriotz eta suntsipenaren industriarekin bukatu beharra dugu; Pakearen eta Bizitzaren kultura geureganatu, munduko gatazka eta istiluak konponbidean gida izan dadin; arma-laisterketari uko egin behar diogu eta planetaren bizitzaren zaintza bermatzeko desarmeari ekin behar diogu.
Gu, planetaren herri indigenok, munduari esan behar diogu, geure ustez, heriotz industrian xahutzen diren milioika eta milioika dolar horiekin fondo amankomun handi bat egin behar dela planeta, gizadia eta bizitza salbatu ahal izateko.

3.- IMPERIALISMO ETA KOLONISLISMORIK GABEKO MUNDUA.
Sistema kapitalistak bere sabel-barnean darama imperialismo eta kolonialismoa. Bestearen gain jartzea, bestea menperatzea, bestea kontrolatzea dira garapen-eredu horren “bizitzeko moldeak”, lehiakortasunean oinarritua bait dago eta ez osagarritasunean.
Gu, munduko herri indigenok, kolonialismo eta inperialismoaren ondorioak gehien sufritu dugunok gara. “Zibilizazioaren” izenean geure lurratik gabetu gaituzte, eta gainera gure nortasunaz gabetu nahi gaituzte. “Zibilizatu” nahi izan gaituzte arimarik gabeko animaliak bait ginan.
Kolonialismoa eta inperialismoaren abiapuntua da mundu bat badagoela aurkitzeko, konkistatzeko, menpean hartzeko mundua.
Mendetan, imperialistek eta kolonialistek ideia bat sarrarazi nahi izan digute: Iparraldea dela erakutsi behar duena eta Hegoaldea ikasi behar duena.
Kolonialismoak eta imperialismoak ikusten duten mundua, mundu zatitua eta pitzatua da. Alde batean beraiek daude, beste aldean gu, munduaren gainontzekoa. Mendetan zehar mundua bitan zatitu dute: progreso eta aurrerapen mundua, eta atzerapenezko mundu abantonatua, mundu “garatua” eta mundu “azpigaratua”.
Orain, berriz, ingurugiroaren tragediaren aurrean, gertatzen da “denok” omen garela erantzule, “garatuak” eta “azpigaratuak”. Hau ez da egia, hau iruzurra da.
1860 ezkeroztik, Europak eta Iparramerikak, karbono dioxidoaren igorpenen %70a bota dute, eta horiek dira planeta gainberotzen duen negutegi efektua sorrarazten dutenak; baso, flora, fauna, ura, minerala eta petroleoaren ustiatzaile nagusiena Iparralde “garatua” da. Iparralde “garatua” da bere hazkunde ekonomikoa baliabide mundialen demasako erabileran eta Hegoaldeko herrialdeen arpilaketan oinarritu duena.
Ez gara lakioan eroriko: Ipar “garatua” da Hegoaldearekin eta mundu osoarekin zor ekologiko ikaragarria duena! “Garapen” kapitalistaren munduan eta herrialde guztiak biltzen dituen foroan, Nazio Batuen Erakundean, ez gara herrialde guztiak berdinak. NBEan badira lehen mailako eta bigarren mailako herrialdeak. Lehen mailakoak dira beto eskubidea dutenak. NBE osatzen duten 189 herrialdeetatik bost herrialdek dute, beti beraiek, Segurtasun Kontseiluan boto bakar batez edozein akordio galarazteko boterea. Hau da XXI mendean sarturik imperialismo eta kolonialismoaren beste adibide bat. Gu, munduko herri indigenok, Nazio Batuen Segurtasun Kontseilua benetan demokratizatzea beharrezkoa dela uste dugu. Ez da beto eskubide duten herrialde iraunkorrik egon behar. Denok eskubide berdinak behar ditugu.
Eskubide berdineko nazioen munduak aniztasuna eta herrien arteko asimetriak onartzen dituen mundua izan behar du, herrialde eta erregioen artean ematen dira des-balantzeak kontutan hartzen duen mundua, ekonomia maila txikiagokoekiko begirune eta tratu desberdindua eta berezia sustatzen duen mundua.
Ezin da mundu desberdin batean berdintasunezko baldintzetan lehiatu. Lehiakortasunaren ordez osagarritasuna behar dugu. Berezitasunak, diferentziak, herrialde eta erregio bakoitzeko indarguneak eta ahuleziak kontutan hartu behar dira. Elkarrekin osatzea, eta ez elkarren kontra lehiatzea, bilatu behar dugu.
Mundu poloanitza imperialismo eta kolonialismo gabeko mundua da, mundu orekatuagoa, botere gune hegemonikorik gabe, anitza eta osagarria.

4.- URA, BIZIDUN GUZTIEN ESKUBIDEA.
Urarik gabe bizitzarik ez. Ur gozoaren gordailua txikitzen ari da mundu mailan. Bost pertsonetatik batek ez du ur edangarria eskuratzerik. Hirutik batek ez du ura saneatzeko bitartekorik. Gizakiok jasaten ditugun krisi sozial eta natural guztietatik, urarena da gure biziraupenari eta planetarenari gehien eragiten diona.
Aurreikuspenen arabera, datozen 20 urteetan, ur hornidura biztanleko, bataz beste, heren bat gutxituko da mundu mailan. Hiru dira hondamen honen arrazoiak: populazioaren hazkundea, kutsaduraren hazkundea eta aldaketa klimatikoa.
Nazio Batuen informe baten arabera, mende honen erdialdera, eta kasurik hoberenean, 2.000 milioi pertsona ur-exkaxia sufrituko du 48 herrialdeetan.
Ez dute denok ura eskuratzeko erreztasun bera. Herrialde “garatuetan” jaiotako haurrek, “garatze bidean” dauden herrialdetakoek bainan 30 edo 40 ur gehiago kontsumitzen dute. Ukituenak pobreak izaten jarraitzen dira, izan ere “garatze bidean” dauden herrietako populazioaren %50a ur kutsatuzko iturrien arriskuaren mehatxupean dago. Mende honen erdialderako planetak ur gozoko 18.000 kilometro kubiko galduak izango ditu, urtero lurrak ureztatzeko erabiltzen dena bainan bederatzi aldiz handiagoa.
NBE-ak eratu duen Aldaketa Klimatikorako Gobernu-arteko Mahaiaren (IPCC) informearen arabera, 2020 urterako Sahara azpiko Afrikako biztanleetatik 250 milioik ur-exkasiari aurre egin beharko diote, eta zenbait herrialdeetan elikagaien ekoizpena erdira jetxi daiteke.
Asiako hainbat zonalde, lurralde menditsuetako, Himalaya adibidez, glaziarren urtzeagatik arriskuan aurkituko lirateke. Bolivian mendiburu elurtuak pontxo txuria galtzen ari dira. Latinoamerika eta Cariberako Komisio Ekonomikoaren neurketen arabera “La Niña” izeneko ekaitzaren ondorioz izan diren uholdeek eragindako kalteak 517 milioi dolarretakoak izan dira, Boliviaren PIBaren %5,4a.
Uraren krisi mundial honi aurre egiteko, ura eskuratzea giza-eskubidetzat aldarrikatzen hasi beharra dago, eta ondorioz, pribatizatu ezin daitekeen zerbitzu publikotzat hartu.
Ura pribatizatzen eta merkantzia bihurtzen bada, ezingo dugu denontzat ura bermatu. Funtsezkoa da ura giza eskubide gisa onartzea.
Gu, planetaren herri indigenok, esaten diogu munduari: ura, bizidun guztien eta Ama Lurraren beraren eskubide bezala, merkatu libretik eta merkatal-akordiotik babestua eta gordea behar du ; ura, guztion eskubide denez, Munduko Merkatal Erakundetik aparte gelditu behar da; urak eta ur edangarriaren zerbitzuek, herri guztien eskubide diren aldetik, merkatu eta etekinaren legeetatik at egon behar dute.
Herri indigenon asmoa eta ahalegina Uraren Biltar Orokorra antolatzea eta sustatzea da: ura giza-eskubide gisa bermatzeko, ur iturriak babesteko eta gutxi batzuren eskutan hartuak eta pribatizatuak izan daitezen ekiditeko.
Ura giza eskubide bezala eta bizidun guztien eskubide bezala bermatzea planeta, gizadia eta bizitza salbatu ahal izateko atzeratu ezin daitekeen eginbeharra da.

5.- ENERGIA GARBIAK ETA NATURAREKIN LAGUNKOIAK.
Datu batzuren laguntzaz ulertuko dugu zer ari den munduan pasatzen energien erabilerari eta horrek naturarekin duen zer ikusiari dagokionez.
1751ean, erregai fosilen erreketatik eratorritako karbono dioxidoen igorpena 3 milioi bat tonakoa omen zen. 2006ean 8.379 milioi karbono dioxido tona igorri ziren atmosferan.
Gaur egun aurreko 650.000 urteetako edozein momentuan baino karbono dioxido gehiago dago atmosferan. 2007an, karbono dioxidoaren kontzentrazioa atmosferan iraultza industriala hasi zen garaikoa bainan %37 aldiz gehiagokoa zen.
Bi mende soiletan milioika urteetan sorturiko energia fosilaren zati handi bat kontsumitu da.
XIX mendearen hasieratik azken 1.000 urteetako urterik beroenak bizi izan ditugu.
NBEaren Aldaketa Klimatikorako Gobernuarteko Taldearen kontseilua da karbono igorpenak %60ean gutxitzea. George Bush Lehendakariaren bezalako gobernuek muzin egiten diote kontseilu honi. Are okerrago, gobernu honek ez du Kyotoko Akordioa bete nahi, nahiz eta akordio horretan ezarri den karbono igorpenaren gutxitze tasa... %8koa bakarrik izan!
Eta zer esan petrolioaz? Petrolioaren garaiaren amaieraren hasiera bizi gara. Petrolio ekoizpenaren erritmoa orain arte bezala mantentzen bada, eta mehategi berri eta handiak aurkitzen ez badira, gaur egungo mundu osoko erreserbak apenas 50 urtetarako dira. Hazitzen ari diren petrolioaren erreserba mundial bakarrak herrialde arabiarrenak dira, bainan uste da 2010etik aurrera murrizten hasiko direla. Mundu industrializatuaren inoiz ikusi gabeko krisi energetikoa hurbiltzen ari dela dirudi.
Denok dakigun bezala, petrolioaren salneurria bizi egin du gora azken bi hamarkadetan, 1988an 18 dolarreko kupela 2008an 124 dolarretara igo da. Petrolioaren prezioa sei aldiz altuagoa izanik ere, karbono dioxidoaren igorpenak ez dira gutxitu. Itxura guztien arabera egoera honek Iparrameriketako herrialdeei ikatza berriro ekoiztera behartuko die. Egitan, ikatzez elikaturiko energia sortzeko ekoizpen-plantak nabarmen hazi dira Estatu Batuetan. 2004ko otsailean, 36 estatu baino gehiagotan ikatzez elikaturiko elektrizitatea sortzeko 100 planta berri egiteko planifikazioa egina zegoen. Planta horien erdia martxan jartzen badira, karbono igorpenaren gorakadaren eragile berri bat izango dugu.
Panorma honi erantsi behar zaio bioerregaiak deiturikoen ekoizpena: ez da aldaketa klimatikoaren arazoaren irtenbidea eta are larritu ere egin dezake.
Nekazaritza eta Elikaduraren Nazio Batuen Erakundearen txosten batek esaten du elikagaien eskuragarritasuna mehatxatua egon daitekeela bioerregaien ekoizpenarekin, lurra, ura eta bestelako baliabideak elikagaiak ekoiztea zuzentzen ez diren momentutik. Fenomeno hori bizitzen ari gara Bolivian.
Denok dakigun bezala, artoa eta sojaren demandak gora egin du oso azkar azken urteetan, bioerregaiei buruz hitzegiten hasi zen momentutik, 2000 urte ondoren segituan. Data horretatik hona bi produktu horien prezioak gora egin du, eta, horrela izanik, geroz eta hektarea gehiago erabiltzen da bi produktu horiek ekoizteko eta gutxiago, adibidez, garia ekoizteko. Espero zitekeen bezala, honen ondorioa izan da gariaren prezioaren igoera, eta ondorioz, hirina eta ogiarena. Sojaren prezioaren igoerak, bere aldetik, sukaldaritzarako olioen preziotan izan zuen eragina. Oiloa, ganadu-haragia eta esnekiak ere gora egin zuten, animali guzti horiek artoa eta sojaren kontsumitzaile handiak bait dira. Herri xehearen ekonomiaren gain etorri diren ondorio txarrezko kate guzti hau bizitzen ari gara momentu honetan Bolivian.
Gaur egun, Munduko Banku berak eta Nazioarteko Moneta Fondoak ere esaten dute elikagaien prezioaren igoera orokor hau, neurri batean behintzat, bioerregaien ekoizpenaren ondorio dela.
Eta Estatu Batuetako egunkari ezagun batek, The New York Times-ek, esaten du mundu “garatua” eragin negatiboak sorrarazten ari dela krisi ekonomikoan “bioerregaien ekoizpena babestuz”.
Honi gehitu dakioke Kimikako Nobel Saria Paul Crutzen jaunarekin harremanetan dagoen zientzilari talde batek egindako txostena, zeinean esaten den bioerregaietarako erabiltzen diren lurretan erabiltzen diren fertilizanteekin oxiko nitroso kantitate handiak sortzen direla, eta gas hori dela “negutegi efektua” deiturikoa sorrarazten duten gasetako bat.
Datu guzti hauek bildurik, ez gaude oker esaten dugunok gasolinaz autoak elikatzeak, gizakiei elikagaiak kentzea esan nahi duela.
Planetak energiaren kontsumo gehiegia kontrolatzeko eta energia alternatiboak garatzeko beharra du. Eguzki-energia, geotermikoa, eolikoa, maila txiki eta ertainako hidroelektrikoa sustatu behar ditugun aukerak dira.
Energia garbi eta naturarekin lagunkoi direnen garapena da planeta, gizadia eta bizitza salbatzeko beste eginbehar funtsezkoentako bat.

6.- AMA LURRAREKIKO BEGIRUNEA.Ezin da Lurra baliabide natural gisa soilik ulertu. Aldaketa klimatikoaren krisiaren eta energiaren krisi osoaren atzean mundua ulertzeko bi moduen arteko borroka dago: ikuspegi batarekin lurra merkantzia bihurtzen da, eta bestearekin, berriz, guk planetako herri indigenok defenditzen dugun ikuspegiarekin, lurra izaki bizidun guztien etxea eta altzoa da. Lurra bizitza bera da.
Gaur egun, gure Ama Lurra gaixo dago, kapitalismoz gaixo. Eta edozein ama gaixo bezala, Ama Lurrak ezin die apenas bere seme-alabei babesa eman. Araketa desberdinek erakusten digute planetan diren 40.000 eta zerbait gehiago animali-espezieetatik 12.000 desagertzeko zorian daudela. Zortzi txorietatik bat desager daiteke betirako. Lau mamiferoetatik bat mehatxupean dago. Lau insektoetatik hiru betirako desagertzeko arriskuan daude.
Ikaragarria eta sinisgaitza da jakitea Lur planetan bizitzaren historian espezie bizien desagerpen larrienaren krisia bizitzen ari garela. Gaur egun espezien desagerpenaren tasa 100 aldiz azkarragoa da gizakiok planetan ez ginen garaietakoa baino. Sinisgaitza da jakitea gaur bertan hiru aldiz ur gozo dagoela bildua urtegietan planetako erreketan baino.
Ezin dugun gure Ama Lurra kutsatzen jarraitu. Ozeano Pazifikoaren erdian, esaten da azterketetan, plancton kilogramo erdi bakoitzeko plastikozko hiru kilo omen daude. Eta planctona da, aldiz, arraien elikagaia.
Ezin dugu onartu sistema kapitalistak lurra merkantzia soil bat izatera murriztea. Lurra eta bioaniztasuna ez dira sal daitezkeen, eta merkatuaren legearen arabera pilatuak izan daitezkeen ondareak. Gu, Boliviako herri indigena eta nekazariak, gaur egun bizi gara, geure haragitan, lurraren merkantilizazioaren arriskua. Lur jabegoa esku gutxitan pilatua egotea da injustizia sozial guztien iturria eta lurraren beraren atropello handienena. Lurrakin espekulatzeak, lurra gainustiatzeak eta lurra akumulatzeak desoreka sozial eta anbiental handiagora baizik ezin dezake eraman.
Lurra eripide kolektiboekin erabili behar da, osagarritasun eta begirunezko erizpideekin. Gizartea bere osotasunean da kudeatu behar duena, erantzunkizunez eta armoniaz, lurra eta gordetzen dituen baliabide guztiak.
Ama Lurrarekiko begirunea eta bere kudeaketa kolektiboa funtsezkoak dira planeta sendatzeko eta bizitza salbatzeko.

7.- OINARRIZKO ZERBITZUAK, GIZA ESKUBIDEAKGu, planetako herri indigenok, hezkuntza-, osasun-, ura-, komunikazio-, garraio- eta informatikara iritsi ahal izatea-ren oinarrizko zerbitzuak giza eskubideak direla aldarrikatzen dugu. Giza eskubideak dira gizarte bizitzarako funtsezko zerbitzuak direlako. Horregatik, oinarrizko giza eskubideak direlako, zerbitzu horiek ezin dira negozio pribatua bihurtu, eta zerbitzu publikoen oinarri bihurtu behar dira.
Zein da gaur egun munduko egoera ezagutzaz ari bagara? Ikusten duguna da, herrialde eta erregio batzutan ezagutzaren oasi txiki batzuk bazterketa eta atzerapen basamortu handiren erdian. Hau izan da, neurri handi batean, azken hamarkadetan burutu den hezkuntza sistemen pribatizazioaren emaitza. Hezkuntza publikoaren kalitatea, salbuespen gutxirekin munduan, matxuratzen joan da. Estatuen hezkuntzarako aurrekontuak gutxitzen joan dira lehen mailako hezkuntzan, eta produkziora zuzendutatako prestakuntzan jarri dute arreta. Hezkuntza, orokorrean, eta irakurtzeko eta eskribitzeko eskubidea, gehien dutenen patrimonio bihurtu dira, eta pobreentzat, planetako populazioaren gehiengoarentzat, helezinezko esperantza.
Eta pentsatzen jarrita noren eskutan dagoen zientzia eta teknologia planetan, berriro ere uharte txikitxo pribatizatu batzuk aurkituko ditugu bazterketa, atzerapen itxaso izugarri handien erdian. Enpresa transnazional handiak, jabego intelektualaren sistema konplexu baten bidez, planetaren zientzia eta teknologiaren kostua mantentzen eta ordaintzen dute. Hezkuntza eta ezagutza esku pribatuetan egoteak helburu bakarra du: planeta heriotz zigorrez zauritzen ari den sistema kapitalista iraunkortu eta birrekoiztea. Ezagutzaren monopolioa haustsi eta ezagutza gizadi osoaren zerbitzura jartzeko funtsezkoa da hezkuntza giza eskubide gisa bermatzea, eta ondorioz, zerbitzu publiko bezala, gizarte osora irekia eta ezagutzara hurbiltzea demokratizatuz.
Inbestigazio zientifikoa ezin da pribatizatu. Estatuek, ezagutzaren emaitzeetara hurbiltze aske eta dohainekoa sustatuz, patente aske eta irekien bidez, garatu behar dute inbestigazioa, beraien eraginkortasun zientifikoa nola ekonomikoa erakutsi bait dute.
Osasunerako giza eskubidea, sistema kapitalistaren pean, letra hila bihurtzen ari da. Munduko herrialde gehientsuenetan osasungintza publikoa guztiz akatsduna da eta populazioaren zati batek bakarrik jasotzen du. Dirua dutenek bakarrik hurbildu daitezke osasun zerbitzuetara. Osasuna geroz eta gehiago negozio da eta ez edozein gizakiarentzako zerbitzua. Aseguru konpainia handiek eta osasun sistema pribatuek kontsumitzailetzat hartzen dute pertsona, merkantzia baten erosle gisa, eta merkantzia bihurtzen duten hori bizitza eskubidea da. Egoera larriagotzen da medikamentuen patenteen monopolio geroz eta handiagoa farmazia-enpresa handiren talde txiki batean esputan dagoelako. Medikamentu berrien inbestigazioaren finantziazioa ez da zuzentzen gizadiak jasaten duen gaixotasun handietara etekin gehien eman dezaketeenetara baizik.
Osasuna giza eskubidea da eta ezin da negozio pribatu gisa hartu, denontzako zerbitzu publiko unibertsal eta kalitatezko bezala mantendu eta indartu egin behar da.
Gaurko mundua telekomunikazioen mundua da, garraioarena eta informatikarena. Zerbitzu hauek ezin dira negoziorako okasio bezala hartu, besteekin komunikatzeko posibilitaterik gabeko populazioa bakartua eta baztertua gelditzen delako. Gaur egun, eta zerbitzu hauen garrantzia handia izanik ere, estadistikek erakusten dute inbertsioak zerbitzu hauek ordain dezaketen eta etekin mamitsuak sor ditzaketen sektoreetan kontzentratzen direla. Komunikatzeko eskubidea giza eskubidea da eta ezin da transnazionalek kontrolatua egon. Gizartea bere osotasunean berreskuratu behar ditu zerbitzu hauek zerbitzu publikoak bihurtzeko, unibertsalak eta populazio guztiarentzat hurbilgarriak.
Planeta salbatzeko funtsezkoa da eskubide hauek populazio osoarentzat bermatzea. Eskubiderik gabeko populazioa Ama Lurra defendatzeko gaitasunik gabeko populazioa da. Horregatik gure egitekoa, zerbitzu hauek kudeaketa publiko eta sozial eraginkorraren bidez giza eskubideak izan daitezen bermatzea da.

8.- BEHARREZKOA KONTSUMITU ETA LEKUZ-LEKU BERTAN EKOIZTUTAKOA KONTSUMITZEA LEHENETSI.

Oparotasun eta eralketa munduan gosea dago. Egunero 100.000 petsona gosez hiltzen dira. “Azpigaratu” deituriko herrialdeetan gosea da heriotzen % 95en kausa. Bost segunduro hamar urte baino gutxiagoko haur bat hiltzen da gosez. Lau minuturo, norbaitek ikusmena galtzen du Bitamina A falta zaiolako. 845 milioi pertsona dago larriki azpielikaturik, gose iraunkorraz elbarrituak.
FAOren behaketek adierazten dute gaur egungo nekazal ekoizpen indarrekin 12.000 milioi pertsona elikatu daitezkeela, hau da, gaurko munduko populazioaren bikoitia. Haatik, ez da munduko populazio guztia elikatzeko nahikoa ekoizten, merkatuak eta geroz eta handiagoa den etekin-grinak agintzen duena soilik ekoizten bait da.
Kontsumismoarekin bukatu beharra dago, eralketarekin eta luxuarekin. Planetaren alderik pobreenean milioika pertsona hiltzen dira urtero gosez; alderik aberatsenean, aldi berean, milioika dolar xahutzen dira obesitatea borrokatzeko. Gehiegi kontsumitzen dugu, baliabide naturalak eraltzen ditugu eta Ama Lurra kutsatzen duen zaborra ekoizten dugu.
Aldaketa klimatikoaren krisiari eta krisi energetikoari gehitzen zaie orain elikagaien krisia, geroz eta handiagoa, eta aurreko bi krisi horiekin lotua dagoena. Elikagaien prezioa garestitu da % 45ean azken bederatzi hilabeteetan. Zekaleek %41eko gorakada izan dute; landaretako olioak %60ean igo dira eta esnekiak %83an. CEPAL-ek kalkulatzen du elikagaien prezioen %15eko igoerak txirotasuna hiru puntutan igotzen duela, %12,7tik %15,9ra. Petrolio kupelaren prezioaren igoera nekazal produktuen kostua areagotu du. Horri gehitu behar zaizkio aldaketa klimatikoak planetaren hainbat erregiotan eragindako hondamendi naturalen ondorioak. Bioerregaien ekoizpenak eragiten du ere elikagaien prezioen gorakadan.
Elikagaien krisi hau areagotu da beste eragile batengatik: merkatu librea. 2006ean elikagaien esportazioa %8an igo zen aurreko urteekin alderaturik. Haatik, elikagaiak per-capita justu %1,1 igo zen bederatzi urteetan. Elikagaien banaketa geroz eta gehiago merkatuaren presioen arabera egiten da eta ez populazioaren beharren arabera. Nekazaritzako produktuen esportadore handiak gose kronikoaz jotako populazioak dituzte. Elikagaien ekoizpena eta komertzializazioa sozialki arautua egon beharko luke eta ezin da merkatu librearen indarren eskutan utzi.
Herrialdeek lehenetsi beharko lukete bertan ekoiztutakoaren kontsumoa. Bere helmugara iristeko munduaren erdia ibili behar duen produktua ezin da merkeago izan bertan ekoiztutakoa baino. Bainan, kontutan hartzen badugu ingurugiroari egindako kaltea eta energiaren kontsumoak sorrarazten duen karbono igorpena, orduan uler genezake osasuntsuago dela planetarentzat eta gizadiarentzat bertan ekoiztutakoaren kontsumoa. Eredu neoliberalak nekazaritza komertziala agro-esportatzailea lehenetsi zuen. Gaur egun joera horri bira oso bat eman beharko genioke eta geroz eta gehiago barne-kontsumorako ekoizpena bilatu, bereziki elikagai eta oinarrizko produktuen kasuan. Kanpo-komertzioa ekoizpen lokalaren osagaia izan beharko luke. Inolaz ere ezin dugu kanpo-komertzioa lehenetsi barne ekoizpenaren kaltetan. NBEko txosten batek dioenez garia bezelako oinarrizko elikagaien merkatu globala sentiberakorregia da prezioen ezusteko aldakuntzen aurrean, eta horregatik kontsumitzen duten gehiena inportatzen duten herrialdeak goseteak ezagutzeko arrisku handiagoan daude.
Ezin dugu, produktibitatearen hazkundearen izenean, elikagai genetikoki aldatuen hedapena ontzat eman. Natura ezin da laborategi baten apeten menpe egon etorkizunean transgeniko deituriko produktuen ondorioak jasan gabe.
Beharrezkoa dena konsumitu eta bertan ekoiztutakoaren kontsumoa lehenestea premiazkoa da planeta, gizadia eta bizitza salbatu ahal izateko.

9.- KULTURA ETA EKONOMIA ANIZTASUNA ERRESPETATU

Kapitalismoak uniformizatu nahi izan gaitu, denok kontsumitzaile bihur gaitezen. Iparralderako garapen eredu bakarra dago, berea. Munduko Bankuaren eta Nazioarteko Moneta Fondoaren errezetek herrialde gehienak krisi batera eraman dituzte. Haatik, Munduko Merkatal Erakundea tematzen da errezeta bakar horri eutsiz planetako herrialde guztientzat. Maila ekonomikorako eredu bakarraren parean akulturazio orokorraren prozesuak datozte, kultura bat bakarra imposatu nahian, moda bat bakarra, pentsatzeko eta gauzak ikusteko forma bat bakarrarekin: kapitalismoren ikuspegiarekin. Globalizazio kapitalistak, horrela, bizitzaren eta bere aniztasunaren aberastasuna suntsitzen du.
Gu, planetako herri indigenok, ez dugu mundu guztirako irtenbide bakarrean sinisten. Gizakiok anitzak gara. Nortasun bereziko herritan bizi gara, kultura berezia duten herritan. Kultura bat desegitea, herri baten nortasunaren aurka aritzea, gizadiari egin dakioke kalterik larriena da.
Gu, planetako herri indigenok, pentsatzen dugu ez dela izan eta ez dela izango bizitza-molde bakarra mundua salba dezakeena. Jakin badakigu mundu plural batean bizi garela eta horretan aritzen garela, eta mundu anitzak aniztasuna begirunez ontzat eman behar duela, aniztasuna bait da bizitzaren beste izena.
Kultura eta ekonomia desberdinen arteko errespetua eta osagarritasun paketsu eta harmoniatsua funtsezkoa da planeta, gizadia eta bizitza salbatu ahal izateko.

10.- OSOTASUNEZ BIZISozialismo komunitario bat eraiki Ama Lurrarekiko armonian. Hau da munduan egoteko gure manera. Naturarekiko eta gizakiekiko harmoniaren ikusmira gure hau, eredu kapitalistaren ikusmira norberekoia, indibidualista eta pilaketariarekin kontrajarria dago.
Gu, planetaren herri indigenok, mundu justu, anitza, barnehartzaile, orekatu eta naturarekiko harmonikoaren eraikuntzan eskua bota nahi dugu herri guztiek Osotasunez Bizi dezagun.
Osotasunez Bizi esaten dugu ez bait dugu gura besteak baino hobeto bizitzea. Ez dugu sinisten progresoaren kontzepzio lineal eta pilaketarian, ezta ere bestearen eta naturaren kontura egindako garapen mugagabean. Elkar osagarritu behar dugu eta ez besteekiko lehiakorkerian erori. Konpartitu eta ez auzokoaz aprobetxatu. Osotasunez Bizi nortasun kulturalean, komunitatean, gure artekoan eta Ama Lurrarekiko harmonia erizpideetan pentsatzea da, eta ez sarrera per-kapita erizpideetan.
Planetako herri indigenok naturarekiko harmonian eraikitako sozialismo komunitarioan sinisten dugu. Herrian oinarrituriko sozialismoa, komunitateetan eta ez estatuko burokrazian, azken honek bere pribilejioak lehenesten bait ditu gizarte osoaren premien aurretik. Geure praktika indigenan agintariak komunitatearen zerbitzariak dira, eta ez komunitateaz baliatzen diren pertsonak. Sozialismo komunitarioa, komunitatearen interesak boteretsu batzuren pribilejioen aurretik lehenesten dituena da. Sozialismo komunitarioa ontasun komunitarioan etekin indibidualean baino lehenago pentsatzea da. Sozialismo komunitarioa giza eskubideen alde, eskubide ekonomiko, sozial eta kulturalen alde borrokatzea da.
Bainan aldarrikatzen dugun sozialismo komunitarioa, iragan denboran porrotean bukatu duten beste ereduk ez bezala, ez du gizakiarengan soilik pentsatzen naturalezan eta aniztasunean baizik. Gauza ez da eredu desarrollista bakarrarekin jarraitzea, nahi ta nahi gabe industrializazioarekin ekin eta ekitea. Ez dugu mugagabeko progresoan sinisten gizakien arteko eta, funtsezkoa dena, Ama Lurrarekiko osagarritasunean eta orekan baizik.
Ez dugu alternatiba askorik. Edo kapitalismoaren eta heriotzaren bidetik amildegira jotzen dugu, edo naturarekiko eta bizitzarekiko harmoniaren bidetik aurrera egiten dugu.
Herri indigenok benetako aldaketa lortu arte hitzegiten jarraituko dugu. Gure ahotsa urrutitik dator. Gure ahotsa pontxo txuriak galtzen ari diren mendiburu elurtuetatik dator.

INDIOAK BIHOTZEZ PENTSATZEN DU LURRA BERE AMA DELA

GOSARIA SANTIAGO ALBA RICO-REKN

2010-04-16T21:48:00.000-07:00

Hauxe da zoria tokatu zaiguna!
Maiatzaren 2an, hamaikaterditan
Santiago Alba Ricorekin
Mikelazulon gosaritan...
Nahi baduzu parte hartu
atea irekita dago
eskertuko genizuke
abiso ematen baduzu.
943-517002.
"analisis y denuncia del nihilismo espontáneo de la percepción...trata del nihilismo normal, cotidiano, alegre y moralizante, del capitaismo y sus instrumentos de dominación, y de los peligros que entraña para la superivencia misma de la humanidad".

kristalezko bolie

PITXIYAKU APUROTAN

2010-04-16T09:44:00.000-07:00

Lagunok:

Pichiyacun uholde latzak izan dira.
Laguntza eskatu digute.
Zugana zuzentzen gara, gure lagunei, eskatu digutenaren zati bat behintzat, bidaltzeko.

Pichiyacu ezagutu genuen duela sei bat urte Mikelazulok Ecuadorrera egin zuen espedizio kulturalean. Pichiyacu Txatxien nazioaren herri bat da. Txatxi nazioa, Pazifiko aldeko oihanean bizi da, Cayapas errekaren alboetan, eta bere hizkuntza Cha’palaachi du. Gure lagunak egin ziren. Duela hilabete pare bat bisitatu genituen. Cayapas ibaia da gainezka egin duena eta hortik uholdeak.

Hona hemen beraiek bidali diguten mezua:

“hola amigo como estan, recibi su mensaje, quiero decir que la comunidad chachi de pichiyacu esta bajo el agua por que el rio cayapas se desbordo y permanecio durante cinco dias y las gente no sabe que hacer por que se ha perdido todos sus cultivos, casas y animales domesticos. la peor descracias del pueblo pichiyacu, aun no recibe ningun tipo de ayuda de nuestro gobierno tampoco de los alcalde de nuestro canton, estamos pasando calamidades de suma necesidades y no tenemos quien nos ayuden, pensando por mi gente de pichiyacu creo conveniente de pedir algunas ayuda adicional, que los amigos de san sebastian o de renteria nos puede ayudar en algo de lo economico se necesita por lo meno cinco mil dolares para ayudar a la gentes mas dannificado espero que haya una colaboracion de una minga aportando algun centavo.
se puede depositar la ayuda economico en la cuenta de ahorro del banco del pichincha no. 3880170100 a nombre de williams san nicolas
aqui le envio fotos de comunidad pichiyacu, que se encuentra bajo agua”

Kanpainatxo bat jarri dugu abian, maiatzaren lehenean amaituko dena. Instituzioengana jotzean gain, lagunetik lagunera laguntza eske gabiltza. Pentsatzen dugu 20€ bana jarrita poltsatxo bat osa dezakegula, guretzat ia ezer haientzat lagungarri.
Parte hartu nahi baduzu sartu ezazu dirua Mikelazuloren kontu korrontean (“Pichiyacu” jarri), eta maiatzaren 3an bidaliko dugu daukaguna.
Kutxako kontu korrontearen titularra: Jose Ramón Gurrutxaga Zubizarreta
Zenbakia: 2101 0064 90 0010463693.

Adeitasunez eta arretagatik esker onez
Mikelaren izenean, Txokolo eta Joseba.

aberri eguna eta ama lurra

2010-04-03T22:34:00.000-07:00

Ama Lurraren egoera latzean dago: Lurra bera ustiatua; gizakien gehiengoa guztiz txirotua.
Aberri eguna, euskaldunen lurraren eguna. Oinordekotzat dugun Memoria eta egiteko dugun Egitasmoa biziberritzeko eguna.
Eta nire Memorian gordetzen dut, halakoak berriro ez daitezen gertatu, honako hauek:
**Gordetzen dut kristautasunaren (Monastegi eta Monarkien (Nafarrokoa, Gaztelakoa eta Pariskoa) arteko aliantza santuaren bidez) indarrezko zabalkundea...eta jentilen akaberea (euskara mezprezatua eta mendi-itxas txokotara zokoratua).
**Gordetzen dut Espainiako Koroarekin eta baita Frantziako Koroarekin morroi harrapakari gisa Abya Yala (Ameriketako) konkistan eta kolonizazioan, eta Afrikako beltzen esklabotzan gure aurreko euskaldun parte hartu izanak. Eta horiek, Gipuzkoako Foru aldundiaren palazioan lotsagabe jarriak, edo kultur jendearen ohorezko zerrendetan aurkitzen den Compañia --esklabularia-- Gipuzkoana de Caracaseko Peñaflorida Kontea.
**Gordetzen dut euskalduntasuna, baztertu edota kultur erreakzionarioaren izenean gorde-manipulatu nahi zuten errege karlistekin lotzea.
**Gordetzen dut nola 36ko gerran aberriaren izenean entregatu ziren, ukitu gabe eta produkziorako ezeztatu gabe, Bizkaiko fabrika handiak Frankoren banduaren eskutara eta nola miopia eta berekoikeria ikaragarriz sinatu zen Santoñako traizioa.

Egitekoa dugun egitasmoa:
***Euskararen Lurra berreraiki. Euskararen lurra, bizi dan jendearen erabakiz sortzen, desagertzen eta berpizten da. Han non hitzegiten den edota hitzegiteko eta euskaldun izateko nahia dagoen lekua da euskararen lurra. Ez da definizio politikoa, egitate linguistikoa baizik. Egitekoa bada euskararekiko motibazio uholdea irradiatzea, lehenik....
***Lurra zaindu. Kutsaduratik, berotegi efektutik, elikagaien genetizaziotik, porlanizaziotik lurra zaindu. Eta Ama Lurra bakarra eta sarean lotua dagoenez: Yasuni ITT-ren zaintzaileak izan.
***Evo Moralesen Hamar Mandamenduetatik lehena kontutan hartuz: Kapitalismoarekin Amaitu. Bere, eta berea duen diruaren akumulazioaren (kapitalaren pilaketaren) logikaren pean, Lurra itotzen Gizakiak gosetzen eta mundua gerran erortzen ari bait da.
Osasuna eta bakea
Joseba

KRISIAZ. HITZALDIA. MARTXOAK 24. MIKELAN

2010-03-23T13:33:00.000-07:00

MARTXOAK 24: KRISIARI AURRE EGIN.....

HITZALDIA. 19,30tan. MIKELAZULON

**Multinazionalek (bankuek eta enpresa erraldoiek) akumulazioaren logika jarraituz
Kaosa sortu dute ekonomian
Gosea eta miseria aregotu dute gizartean (Milioika langabetuak/ 1.000.000 goseti munduan).
Lurra kinka larrian jarri dute. Aldaketa klimatiko katastrofikoa etxe-atarian dugu.

**Gobernuek, aurrekoen morroi gisa jokatuz
Bankuak eta enpresari handiak babestu dute herria hipotekatuz eta lurra, ura, elikadura, zerbitzu publikoak, osasungintza, hezkuntza pribatizatuz eta merkatuaren lege pean ezarriz.
Erantzunkizun-eza eta korrupzioa estali dute
Jende langilearen aurkako lege berriak prestatu dute

**Langabetuak, etorkinak, prekarioak (gazte eta emakumeak), finkoak, autonomoak, enpresari txikiak...... itotzen ari dira.

**Kapitala eta bere gobernuek irainka ari dira, herriaren bizkar burla egiten. Negoziazio Soziala? Adar jotzea! Eta egurra ematea! Ekonomia hobera egin duela? Bai? Eta langabetuen, hipotekatuen, bidalitakoen, superexplotatuen kopurua gora? Kontsumoa goratu behar dela? Eta Lurra izurratu!

Esperantza? Esplotatuen eta zapalduen mobilizazioa eta organizazioa. Ez dezagun onart manipulazioa, burla eta harropuzkeria. Geure bizitza duina dugu jokoan

Honetaz..... Hitzaldia. Hizlaria: Abalde, ESK-ko sindikalista.
Martxoaren 24ean. 19,30tan. Mikelazulon.
Antolatzailea: Oreretako Zutik!

HAMAR AGINDU PLANETA GIZADIA ETA BIZITZA SALBATZEKO

2010-03-14T13:26:00.000-07:00

"Gaur egun Ama Lurra larri gaixo dago. Planeta sukarrez. Inoiz ez da ikusi elurmendi eta glaziarrak desagertzen. Inoiz ez da ikusi animali eta landare milaka espezie desagertzen. Inoiz ez gara hainbeste hondamendi sozial eta ingurugirokoen lekuko izan, eta hondamendiak geroz eta maizago eta latzagoak dira.
Historiaren gaurko unea erabakiak hartzekoa da, naturak gure ordez hartu aurretik. Planetaren tenperatua gorantza badoa eta ez badugu ezer egiten, aldaketa klimatikoaren eraginak zorigaiztoko ondorioak ekar ditzake planetarentzat, gizadiarentzat eta bizitzarentzat.
Ez dugu denbora askorik. Azkar xamar ekin behar diogu auziari. Hasi berria den milurteko hau Bizitzaren Milurtekoa, Esperantzaren Milurtekoa eta naturaren eta gizakioen arteko Armoniaren Milurtekoa behar du izan.
Horregatik proposatzen dut 10 agindu hauek planeta, gizadia eta bizitza salbatzeko.
1.- Kapitalismoarekin bukatu.
2.- Gerrari uko egin.
3. Inperialismorik eta kolonialismorik gabeko mundua
4.-Ura: izaki bizidun guztien eskubidea.
5.-Energia garbiak eta naturarekin lagunkoiak
6.-Ama Lurrarekiko begirunea
7.- Oinarrizko zerbitzuak, giza eskubideak
8.- Beharrezkoa dena kontsumitu eta lekuz-leku ekoizten denaren kontsumoa lehenetsi.
9.- Kultura eta ekonomia aniztasunarekiko begirunea.
10.- Sumaq Kwsay... osotasunez bizi.

Evo Morales Ayma.

agenda txikia

2010-02-21T05:07:00.000-08:00

Datorren astean honakoak dituzu aukeran:
otsailaren 23an, asteartea, 19,30tan Mikelazulon:
***"Emakume indigenak antolatuak. Jolom Mayaetik kooperatibaren esperientzia. K'inal Antsetik. Chiapas".

otsailaren 24ean, asteazkena, 19,30tan Mikelazulon:
***"OTAN-en aurreikuspenak. Harmadak mendebaldeko kaleetan bete beharreko papera".

apirilaren 20-22an. Bolibian, Cochabambam. "Conferencia Mundial de Pueblos sobre el Cambio Climático y los derechos de la Madre Tierra". Evo Morales-ek konbokatua. Horri buruzko informazio gehiago jakin nahi izan ezkero: http://www.cmpcc.org/ eta www.embajadabolivia.ec/eventos/eventos.php

Tankin Shuar.

egunkaria:memoria zirrikituak

2010-02-21T04:54:00.000-08:00

Atzo, otsailaren 20ean, Errenterian, memoriari atxikita, elkarretaratze bat egin zen Egunkariaren itxiaren eguna tamalgarria bainan itxaropenez kargaturik gogoratuz. Bertan, memoriaren zirrikituari ateak irekiz, gogoan izatekoak ginen Lizardi (Errepublikaren garaian lehen euskarazko egunkaria ateratzeko egitasmoa egin zuena --gero gauzatu egin ezin izan zena--) eta Aresti (Diktaduraren garaian euskararen arrotasunari bultzada ikaragarria eman ziona). Hauek dira elkarrataratzean irakurtzekoak ziren poemak:
Lizardi:
"Eusko-bidaztiarena:
Baina nik, izkuntza larrekoa,
nai aunat ere noranaikoa:
soiña zaar, berri gogoa;
azal orizta, muin betirakoa."
Aresti:
"Egun da Santimamiña
benetan egun samina
goiko zeruak gorde dezala
luzaro neure anima.

Goiko zeruan izarra
hari begira lizarra
Egunkaria libre izan arte
ez dut moztuko bizarra"

Atrebentzia barkatuko didazutelakoan.......
Urkizu.

Kapitalaren Europaren aurkako manifestua.

2010-02-06T12:00:00.000-08:00

Bihar, igandea 7, Europako ministroen lehiakortasunari buruzko bilera hasiko da Donostian. Bilera hauekin Kapitalaren Europari beste bultzada bat eman nahi zaio, eta honen aurka protesta egiteko KAPITALAREN AURKAKO PLATAFORMA sortu da.

Hau da plazaratu duten manifestua, eta biharko manifestaziorako deialdia:

KAPITALAREN AURKAKO PLATAFORMA. AHTaren Aurkako Asanblada, Antikapitalistak, Mundu Bat, Gazte Independentistak, EGK, Ela, Lab, Ezker Abertzalea, Aralar, Alternatiba, Ezker Batua, CC.OO, Zutik Gorripidea Ildoa, CNT, , PCE-EPK,… (NORBAITEK JARTZEKO ORAINGOZ gauen taldeen izenak)

Gaur, hemen elkartu garen kolektiboek “KAPITALAREN AURKAKO EUROPA PLATAFORMA” aurkeztu nahi dugu jendartean.

Ekimen berri honen bidez, datorren astean, Otsailaren 7,8 eta 9an lehiakortasunaz hitz-egiteko EBko gailurra salatu nahi dugu.

Lehiakortasuna kontzeptu positibo moduan saldu nahi digute estatuek. Hau, ona omen da, langile, gazte, emakume eta gizartearentzat oro har. Baina guk, Plataforma hau osatzen dugun kideok ez dugu horrela denik uste.

Zuen lehiakortasuna, gure prekarietatea da. Zuen lehiakortasuna gure miseria da. Zuentzat etekinak handitzea suposatzen du, merkatuan, domeinu eta kontrola handitzeko erreminta da lehiakortasuna. Guretzat, lan baldintzak kaskartzea, malgutasuna areagotzea, desberdintasunak handitzea eta injustizia eta txirotasunean sakontzea esan nahi du. Lehiakortasunak, emakumeon zanpaketa egoera betikotzea suposatzen du.

Zuen lehiakortasunak, gure mendi eta itsaslabarren txikizioa suposatzen du. Lehiakortasunak azkarrago joatekoa, energia kontsumoa handitzea, ingurugiroaren kaltetzea dakar, nahiz eta zuek, poltronetako agintariek berdez eta sostengarritasunez margotzen saiatu. Txikizioa, eta gure ondorengoentzako inguru birrindu bat uztea suposatzen du zuen lehiakortasunak. AHTa, Jaizkibelgo super portua, errausketa plantak, Hondarribiko aeroportuaren handitzea… hori baldin bada zuek eskaintzen diguzuen alternatiba, guk ez dugu nahi.

Krisialdi hau sistemaren krisia da, metaketa, espekulazio eta finantzen trapitxeoak sortua. Irtenbidea ez dira lehiakortasunaz hitz-egiteko bilerak, baliabide finituak dituen mundu batean denok, hemen zein afrika edo hego ameriketan dugun bizitzeko, ondo bizitzeko, lasai bizitzeko eskubidea gauzatzeko irtenbideak bilatzea baino.

Zuen lehiakortasuna ez dugu nahi, horrek, guri, langileagoari kaltea baino ez baitigu ekartzen.

Lana banatu beharra dago, denok baitugu lasai eta eroso bizitzeko eskubidea, denok dugulako duintasunez bizitzeko eskubidea; eta lehiakortasunak guda esan nahi du, handienen, boteretsuenen trikimailua beraien poltsikoak betetzen jarraitzeko.

Zuen lehiakortasuna gure pobrezia delako, datorren astean burutuko den gailurrari aurre egingo diogu, Igandean hilak 7 eguerdian Donostian burutuko dugun manifestazioaren bidez.

Bitartean, aste hau eta hurrenaren zehar kaleratuko dugun manifestuari atxikipena emateko eskatzen dizuegu gizarte eragileoi. Beste modu bateko Europa, herrien Europa, ekonomiak gizaki eta herrien nahiei erantzungo dien Europa eta ez alderantzizkoa nahi baidugu.

Horrela ba, aipatu Manifestua Ostiralean hilak 5, 11.30etan CRAJen egingo dugun prentsaurrekoan aurkeztuko dugu eta atxikipena ematen duten taldeei bertaratzeko eskatuz amaitzen dugu gaurkoa.

KAPITALAREN AURKAKO PLATAFORMA

ura kepenenen

2010-01-26T05:03:00.000-08:00

Pachiyacu herrixka, Txatxien herriko hiria, Esmeraldas departamenduan dago, Ecuadorren.
Handik bidaltzen dizuegu egun berriaren agurra: "Ura kepenenen" (Egun on). Eta esnatzen ari bazarete "Ura chaio?" (Nola ari zareten egunsentiratzen?).
Joseba

To Shoot an Elephant

2010-01-18T01:00:00.000-08:00

Gaur urtarrilaren 18, urte bat betetzen da Israelek Gazan palestinarren aurka egindako eraso basatia amaitutzat eman zuenetik, eta sarraski hura eta gaur egun oraindik Gazak jasaten duen setio kriminala salatzeko, To Shoot an Elephant dokumentalaren emanaldi globala antolatu dute mundu osoan.

Alberto Arcek eta Mohammad Rujailah-k hartutako irudiekin osaturiko filma gaur ikusteko aukera izango da munduko txoko askotan eta interneten, baita Euskal Herrian ere, ikusi hemen zerrenda.

Gure eskualdean ikusteko aukera ere badago Mikelazulo Elkartean Gaur 19:30etan.

Ezin baduzu toki hauetara hurbildu lasai, emanaldia interneterako ere prestatu baitute, eta hementxe bertan edo ekimenaren webgunean ikus dezakezu, hizkuntza ezberdinetara itzulitako azpitituluekin gainera.

Informazio gehiago hemen: http://www.toshootanelephant.com/eu

Pertsona langabetuen mugimendu globala

2010-01-14T12:00:00.000-08:00

Kataluniako lagun batek mezu hau bidali dit:

Una veintena de asambleas de personas paradas responde al llamamiento por una coordinación global

El llamamiento por un Movimiento Global de Personas Paradas, a sólo cuatro días de su convocatoria, ha sido un éxito. Integrantes de distintos colectivos que hasta ahora desarrollaban su actividad sin ninguna relación entre sí están dando pasos para establecer una coordinación global que permita ampliar los vínculos de apoyo mutuo y darle al movimiento una mayor proyección social. En Málaga, Jerez, Rota, Cáceres, A Coruña, Barcelona, Molina de Segura y Badía del Vallés, entre otras, las personas paradas debatirán en sus próximos encuentros las posibilidades que abre la nueva iniciativa. Varias consideraciones se van asentando con el debate horizontal:

1º. El movimiento de personas paradas es un movimiento plural con dos denominadores comunes: la preferencia por la democracia participativa como forma de organización y la crítica al sistema capitalista como causa y origen de la miseria mundial y los problemas de la clase trabajadora.

2º. El propósito de una coordinación global no es reducir la autonomía de las asambleas locales, sino establecer vínculos de solidaridad, intercambiar información y experiencias, y realizar acciones conjuntas en torno a aquellas reivindicaciones en las que estamos de acuerdo.

3º. La situación de extrema necesidad por la que atraviesan las personas paradas podría dar lugar a un catálogo muy amplio de reivindicaciones comunes, desde el ámbito laboral, a los ámbitos social y educativo. Pero quizás podríamos dar un primer paso estableciendo una reivindicación común en torno al cumplimiento de los artículos 23 y 25 de la Declaración Universal de Derechos Humanos, que regulan, respectivamente, el derecho de toda persona al trabajo y a la subsistencia, incluida la salud y el bienestar, y especialmente, la alimentación, la vivienda, los servicios sociales necesarios y el seguro de desempleo.

4º. Como primera acción común, se ha planteado la concertación de un día para la iniciativa global de las personas paradas. Se trataría de trabajar para una amplia convocatoria de una jornada donde las personas paradas salieran a manifestarse en sus respectivas localidades de forma simultánea. Para ello, naturalmente, se debería recabar el apoyo de muchas organizaciones sociales que están trabajando frente a la crisis y que podrían sentirse involucradas en una convocatoria de esta naturaleza.

Nada se decidirá sin contar con las aportaciones de todos y todas. Ayúdanos distribuyendo nuestra información y participando en el debate. Si conoces algún colectivo o persona que pueda estar interesadA en recibir noticias nuestras, háznoslo saber.

muevetecontralacrisis@yahoo.es

Asamblea de Personas Paradas y Afectadas por la Crisis

Ezagutzen duzue hemen horrelako mugimendurik, edo antolatzen hasi den jenderik?

birasuegi

aisialdia krisi garaian

2010-01-10T12:15:00.000-08:00

Fanderia auzoan, haurrak korrikan, auzokide asko animatzen, festa giro atsegina.
Lehendik bazegoen tradizio txiki hau, bainan mantendu egin da. Krisi garaian, aisialdia aldatzen da. Oporrak? Bai, aurten etxean! Aste bukaera joango al gara? Zenbat balio du! Zer, afaritxo bat? Sentitzen dut ezin dut...! Eta zer egingo dugu hemen? Adibidez, jokoan jarri auzokide bakoitzaren eta guztien imaginazio ahalmena, gaitasun berezi apartekoak... eta festa sortu. Festaren espektadoreak izan beharrean, festa sortu. Esaten zuen gure herriko bertsolariak, Xenpelarrek noski: "Debalde festa preparatzen det gogoa dedan orduan". Haren bidetik zer ez dugu ikusi Oreretako auzoetan....!
Auzokide bat.

Krisia, burtsa eta Aurrezki Kutxak

2010-01-07T23:00:00.000-08:00

"No le digas a mi madre que trabajo en bolsa" - Entrevista a Paco Álvarez from AttacTV on Vimeo.

Ikusi bideoa, Paco Alvarez-en iritzia benetan baliotsua iruditzen zait, sistemaren finantzieroaren zentroan bizi eta lan egin duen pertsona da (Pariseko burtsaren presidenteordea izandakoa da), eta sakoneko ezagutzatik planteatzen du bere kritika. Bideoan galdera batzuk erantzuten ditu, baina gehiago jakin nahi baduzue ikusi "No le digas a mi madre que trabajo en bolsa", Pacoren bloga.

Krisikatzen blogeko lagunei eztabaida txiki bat proposatzen dizuet, bideoan aipatzen diren gai batzuk jarraituz:

Zergatik erabiltzen dira Burtsaren indizeak ekonomiaren egoeraren adierazle moduan, argi dagoenean ekonomia errealarekin gero eta ikusteko gutxiago dutela?

Aurrezki Kutxak "teorikoki" izaera sozialarekin sortu ziren, eta asko kontrol publikoarekin. Hala ere gaur egun, izaera hori irudi hutsa dela uste dut, eta argi dago edozein Banku pribatu bezela benefizioen maximizazioa dute helburu bakarra. Nola iritsi dira egoera horretara? Nork kontrolatzen ditu eta zein interesen menpe daude gaur egun? Badago alternatibarik?

Sistema eta gaur egun bizi dugun egoera aldatu daitezke? Baietz uste dut, nola ez dakidan arren. Argi daukadana da, ezinbestekoa dela, edozein aldaketa posible izateko aldatu nahi dugunaren izaera eta funtzionamendua ondo ezagutzea. Baina nola egiten da hori? Kultura ekonomiko gutxi dago, eta komunikabide eta hezkuntza sistemak ez dute asko laguntzen. Zer egin dezakegu horren aurrean?

Nahi duzuen aritik jarrai dezakegu eztabaida, animatu!

birasuegi

Danemarkeko kontsulatua Errenterian dago

2010-01-07T13:56:00.000-08:00

Urtarrilaren 6ean, Capuchinos auzoan, Termikaren parean, Danemarkeko kontsulatuaren azpian hor ikusten duzuten jendea Green Peaceko detenituen alde bildurik, kantak eta rona, hotza eta berotasuna, lurraren ahotsa.

neurri xume hau...

2010-01-07T13:55:00.000-08:00

Komertzioetako langileek bizi kalitatea aldarrikatzen.

Alcampo enpresak langile malgu-makurtua nahi ditu, hamar orduz jarraian lanean, erritmo desegokietan. Soldata txiki baten truke, langileek bizimodua Alcamporen mesedetan antolatu beharko dute. Langilearentzat supermerkatutik kanpoko denbora garrantzirik ez balu bezala. Irungo Alcampoko enplegatuek iazko azken egunetan,abenduaren 26an jada protesta kalera eraman zuten, orain Oiartzungokoei tokatzen zaie, arrazoi ber-berengatik. Alde bateko erabaki baten bidez, Alcampoko zuzendaritzak ordutegi eta lan antolaketa berri bat inposatu nahi du. Helburua, langileek gero eta lan gehiago egitea, Alcampoko etekinak puzteko. Jadanik bidea erakutsi du zuzendariak, greba egiten dutenak behin-behinean kontratatua den langile malguago batez ordezkatuko ditu, makurtu nahi ez dutenak “al kanpo”. Krisi garai honetan, duda izpirik gabe, nahiko eskaera izango du erreserba-langile izateko.
Jai egun hauetan, Nafarroan ere komertzioetako langileak malgukeriaren aurka ibili dira, jai egunetan jai izateko eskubidearen alde hain zuzen. Zorionez, lehen mobilisazio horiek arrakastatsuak izan dira baina hor ere merkatal gune handiak dira aintzindari. Urruneko langile txiroak explotatuz aberasten diren merkatari handi horiek poltsikoak gizendu nahi dute, diru-katearen bi muturrak estutuz. Krisi garaian, irabaziei eutsi nahi izanez gero, eginbiderik ohikoena, langileen kopurua eta soldatak murriztea. Egokitze estrukturala deitzen diote horri. Beren estrukturak gure bizien estrukturak dardarka jartzen baditu ere. Eta gu langile/kontsumitzaile tristeok pertsonalitate bikoitzean atxilo, ikusle ezaxola eta mutuak gelditzen gara maiz,kontsumo inkondizionalean murgilduak. Urte hasi berri honetan, asmo berri bat proposatu nahi diot gure buruari, erosketak egitean igandetan : okindegian, egunkarien kioskoan eta zabalik dauden tabernetan edo kultur gunetan soilik joatea gure dirua xahutzera, mendia, hondartza eta kalea doan daude oraindik...
Eta beste egunetan, gaueko zortziak baino lehen erostera joaten bagara hainbat hobe, komertzioko langileen lagun eta senideen mesedetan izan daiteke... Eguneroko elkartasun neurri xume hau urte berriko asmoetan eta lorpenetan izan dadin. Nathalie

LUR BARRENEKO HOTSA

2010-01-05T12:19:00.000-08:00

Juantxo askatu!

Bihar, asteazkena, urtarrilaren 6an, Greenpeaceko lau preso lagunen aldeko elkarretaratze bat egingo da 19.00etatik 21.00etara.

Non:

Errenteria (Gipuzkoa) Consulado Dinamarca (Entrada al Barrio Capuchinos, Sorgintxulo Kalea 3-1)

Badakizu, lagun, entzun lur barreneko hotsa. Honela dio: "ay ay los sin tierra yayay...Pacha Mama, Tierra herida. Somos tu clamor!".
Lur gabetuak zarete naturaren losintxa eta ekaitzetatik nahiko urrun. Lurgabetuagoak izateko bidean, Kopenhagen bildu ziren arduragabeen erabakiengatik. Tematzen badira, sutafuego txikitu dezaket gizakion bizibidea, indartsua bait naiz. Bainan ez da nire gogoa nigandik sorturikoa desegitea. Bihar, nire aldarri izan nahi baduzute, xuxurla bezala, bildu zaitezte Capuchinos auzoan, Errenterian.
Julen.

HIRU AUTOBUS

2010-01-03T10:45:00.000-08:00

Hiru autobus, hiru, abiatu ziren Errenteriatik urtarrilaren 2an Bilbo aldera. Ez dakit zenbat kotxez edo lineako autobusez. Bilbo Bilbo da, eta manifa ondorengo giroa apartakoa...
Kasua da, manifa egin zela, autobusak hartu eta "bideokonferentzia" bat eratu zen itzulerako denboran. Zenbat gauza esan ziren ordubete pasa hartan! Izugarria entzutea erdi negarrez Mikel Arrietaren amaren hitzak; batek kontatzen zuen manifan hasi zela kantatzen "Ator, ator preso etxera, askatasuna ospatzera...." eta aldamenean zeuden Ordiziko bi neska, ostiralero etxerat-en martxara biltzen diren horietakoak, eta ez zekitela letra horrekin. Orduan, gelditu zirela Oreretara eskatuko zutela letra, hurrengo urterako prest edukitzeko. Hirugarren batek kontatzen zuen alai Bilboko udaletxera hurbiltzerakoan txalaparta jotzen ari zelarik, aitaren bizkar gainean zutik zegoen 3 urteko mutikotxoak nola hasi zen txalaparta-dantza egiten eta amona batek nola ari zen farrez emozionatua haurtxoa ikusita. Horrela kontu asko kontatu ziren bideokonferentzian autobusetik autobusera. Bainan kuriosoa neska batek egin zuen proposamena. Proposamena matematikoa zen eta soluziorik gabekoa. Esan zuen: nire proposamena hauxe da: 1+1...1.000. Inork ez zion ulertzen eta azalpenak eman behar izan zituen:
Begira-zioen-- oraintxe bertan entzun dugu 2010 urtea norberaren erabaki eta konpromisoaren urtea dela. Eta ohituak gaude guk erabaki hartu gabe, beste batzuk erabaki hartutakoan erabaki horri segitzea. Horrela joaten gara astero Etxerat-en ibilaldira. Batzuk gehiago egiten dute: adibidez, senideei lagundu bisitan joaten direnean, edota, zozketak antolatu, edota batzarretan txistua jo, edota kartelak jarri... Bainan badago beste multzo bat egin dezakeena bere esperientzia propioa, zerbait neure kabuz eginda. Eta hortara doa 1+1...1000. Hiru hilabetean jauzi bat ematen saiatzea ostiraleko ibilaldiaren jende kopuruan. Joaten garen bakoitzak, astero astero, bi ezagunei animatu, proposatu, gonbidatu ostiraleko horretara joaten. Eta otsailaren azkeneko ostiralean 1.000 elkartzen bagara? Zer iruditzen? Eta aklamazioz onartu zen proposamena hiru autobusen bideokonferentzian. Han ziren 165 pertsona. Total 165 x 6= 990. Milatik oso gertu.

Xabier

MUNDU BERRI ON

2010-01-01T03:23:00.000-08:00

Ur Goiena Ur barrena Ur-te berri egun ona
Krisikatzen jarraituko dugu, hau da, krisian mundu berria irudikatzen.
Blogaren irakurle guztioi opa diegu Some Times negro espirituala, lau hizkuntzetan lau haizetara hedatua:
Iraganera: esklabuen kanta, historian izan diren zapaldu guztien kanta
Lurrera: Lur gabekoen kanta, ahotsik ez duen Lurraren beraren kanta.
Bihotzera: Oso latza izan da esan zuen Joseba Arregik pasatakoa adierazteko torturapean hil baino ordu batzuk lehenago. Etxerat aupa!
Etorkizunera: din-don haurrak jolasten, jotzen biziraupenaren soinua.

Some times, I fell/Laike mother less chaild (bis)/Trouble live, trouble live/A long way from home/A long way from home.
Entzun, lagun,/Lur barneko hotsa(bis)/Oso latza izan da,/ oso latza/ Bidai luzea etxerat/Bidai luzea etxerat.
Ay, ay, ay ay!/Los sin tierra yay ay!(bis)/Pacha Mama, Tierra herida/Nosotros somos tu clamor/Nosotros somos tu clamor.
Din don din don/Din don dan de la cloche(Bis)/Joue enfant sous l’ arbre/jou enfant sous l’arbre/Le son de la supervivence/Le son de la supervivence.

jojanabe

CAMARA....zer gelditu da erre-kamaran?

2009-12-29T05:26:00.000-08:00

Iritsi zaigu Camara empresako langileen borrokaren amaieraren berri. Ondoan duzute azalpena.

TERMINA LA HUELGA EN LA EMPRESA “SOBRINOS DE M. CAMARA, SA”.

El Comité de empresa de “SOBRINOS DE M CAMARA, SA”, ha desconvocado las movilizaciones previstas para estos días, así como la huelga indefinida, después de llegar a un acuerdo conla misma. Dicho acuerdo se alcanzó como consecuencia de la resolución emitida ayer por la mañana por la delegación de trabajao en la que se autorizaba el despido de “nueve” trabajadores y un ERE temporal para otros 21, estibadores de la empresa.
En el acuerdo alcanzado, se estipula que 6 de las extinciones se realizarán vía prejubilaciones, 1 baja voluntaria y dos despidos. Todos ellos cobrarán 45 días de indemnización por año trabajado. En el caso de los 2 despedidos, conservarán además durante dos años un derecho preferente a su reincorporación si la empresa debiese recurrir a nuevos trabajadores.
El ERE que afectará a 21 trabajadores es corregido por la Delegación, que estipula que este será de un 70/30 (70% de trabajo, 30% desempleo) frente a la pretensión de la empresa de un ERE de 40/60.

Vista la situación generada por dicha resolución este Cómite de empresa (3 de LAB y 2 de UGT) decidió por unanimidad rubricar el acuerdo, que ha sido aceptado en la asamblea realizada a la mañana y será trasladado para su conformidad a la de la tarde. Tras el acuerdo el Cómite ha paralizado las movilizaciones previstas para esta semana y por consiguiente ha desconvocado la huelga indefinida prevista para el 7 de enero.

Este Cómite ha decidido firmar tras el acuerdo alcanzado como mal menor, aunque seguimos considerando excesivo la resolución emitida por la Delegación de Trabajo, que no por ser legal se ajusta a la realidad de la empresa y a su carga de trabajo actual.

Aún así, valoramos positivamente el hecho de que al final, sólo habrá dos despidos reales frente a la pretensión de la empresa de despedir a quince, por los que además se velará por su futura reincorporación en caso de que la situación mejore como es previsible que lo haga.

Pensamos además que el acuerdo final en el que frente a la negativa rotunda de la empresa de admitir prejubilaciones estas se han conseguido, ha sido posible gracias a las movilizaciones y a la unidad de los trabajadores de la empresa y de los apoyos recibidos por otros trabajdores del Puerto de Pasajes.

Sin otro particular. Joxean Izquierdo en nombre del… COMITÉ DE EMPRESA de “SOBRINOS DE M CAMARA,SA”.
Pasajes 29-12-2009.

Hilabete berean Camarako langileak, Ramon Vizcainoko langileak, Sabekoko langileak, Mamuteko langileak, eta Osakidetzako garbiketa kontratako langileak eta oraindik blog honetan ez dakigun xx-eko langileak borrokan edo akojonatuak edo etsituak, eta Ertainetako ikasleak agobiatuak eta full-time-iatuak .... daudela entzun dugu gure txoko honetan. Ez al du merezi egoera honek errutinak pixko bat astintzea eta borroka+elkartasuna+festa-ren esperientzia bizigarriak bultzatzea? Noiz arte? Quousque tamdem abutere inkonstzientzia nostra?

POTOSIKO MINAK

2009-12-27T12:49:00.000-08:00

Mikel Arrillagak Potosiko minetan egona da aurten bizpahiru egun hunkigarriak pasatuz. Handik ekarri du zirrara, amorrua, oihukatzeko beharra. Eta "Bertso paperak" bidali zituen XXI. ZAPIRAIN ANAIAK BERTSOPAPER LEHIAKETA-ra. Errenterian, Niessengo aretoan, abenduaren 27an, honako hauek kantatu zituen

1.-
Zulo txikia dauka atetzat
ondoren sarrera gela,
pasabideak estu-estuak
giroa zinez umela.
Sarri lau hankan joan behar da
goia jotzen da bestela,
ahoa zapiz estaltzen dugu
hautsa delako itzela.
Kaskoa eta linternarekin
giri koadrilla ergela,
behera heltzean gidak esan du:
"hau da laugarren nibela".
Jose lanean ari da bertan
eta ez al da krudela?
Berak badaki berroteita bost
urterekin hilko dela

2.-
Jose goizero heltzen da hona
zortziak baino lehenago,
arratsaldeko zazpiak arte,
eta horrela luzaro.
Koka orriak bazkaltzen ditu,
eta fanta, lau bost trago.
Hori astean zazpi egunez
jai egiterik ez dago.
Eguneko lehen ez zuen lortzen
euro bat baino gehiago
bost urte eta gero enpresan
igo da pixkat gorago.
Gauzak aldatzen ari dira bai.
Nola ez? Ni ados nago:
lehen esklaboak ziren langile
gaur langileak esklabo.

10 bertso dira. Zatitxoak hemen: "Potosiko mendi aberatsak Jose utziko du pobre. Garai batean bazuen nahiko urre zillar eta kobre... Apaizik ez dut minan ikusi ez badira nonbait gorde, bainan elizak urrez josita daude dotore dotreo". "Ez nuke inoiz egon nahi Josek egun duen papeletan, zerutik hurbil egiten du lan, bainan infernuan bertan". "Behin Potosira iritsi ziren inperialisten tropak azpian hartuz hango ohiturak eta bizimodu motak. Bertan zeudenak esklabu hartu, lotu kate eta sokak...eurek gizendu zuten txerria pozik jan zuen Europak".
10 bertsoak osorik eskuratu nahi izan ezkero, Oreretako Bertso-eskolara deitu eta ale osoa emango dizuete.

Azterketa historiko baterako gaia: zein eraikuntza handi egin ziren Gipuzkoan XVI-XVII-XVIII mendeetan Potosiko minarekin, Venezuelako esklabuekin eta Mexikoko zillararekin?

SAN TOMASEKO FERIAN ADITUA

2009-12-24T06:04:00.000-08:00

San Tomaseko ferian aditua.
Kezka dario, abenduaren 21ean Oreretako zumardian, burdin sareko kaiola estuetan atxilotuak diren animaleen solasaldiari.
Oiloak eta oilarrak : - Benetan, prinzipio eta funtsa gutikoak dira humano horiek ! Azken urteotan, haziendaren debekua San Tomas egunean eta aurten zerriak gripeak jota direnean, Anetsu urde zikin hori gure artean !”
Untxiak : “- Hara, lumadun horiek ! Duela guti, zuek hegaztiok gripea hedatzen zenbiltzaten. Eta zuena bai larria zela ! Eta gainera, zerriak ez dabiltza hegan, muga guztien gainetik, zozoak beleari, ahatak antzarari, oiloak kaioari A!A!atxis...”
Untxiaren doministikuak kaioletan, izu ortzikara firurikandabil. Ardiek lastobalan sartzen dute muturra. Ondotxo gogoratzen baitute beraiek ere, ardi gripea izeneko gaitza. Untxi horiek ez dira, batere solidarioak !
Ahuntzak, ozenki, abere guziek entzuteko gisan : “- Untxipaio halakoa ! Zure txanda etorriko da , gripea ez bada, eromenak jota ehundaka akatuko zaituztete. Ez al zarete konturatu, humano horiek asegaitzak direla ? Bizi baldintza anker horiek dira gure gaitz guzien iturburua, gero ta estuago, gero ta lasterrago eta naturatik gero ta urrunago.
Diruaren sukarra bai dela izurritea! Holandan, ahuntzaren gripe bat agertu omen da, ahuntz talde asko sakrifikatu beharko omen. Udaran, itsaso bazterrean ibili nauzue eta, arrainek infernua kontatu didate. Plastikoaz, petrolioz eta hainbat produktu kimikoz bazkatzen dituzte. Antzutu dituzte eta azkenean askok suizidatzea erabaki dute.
Olentzeroz jantzitako gizon bat kaiolagunetik pasatzen da,
ahatak kakaraka hasten dira :“- Ikazkina, ikaztza baino ilunagoa haiz, txanpon triste batzuen truke saldu duk hire izena eta izana ! Gibelak dituk bai gure gibelen kontura ! Etxez etxe ibili beharrean, pasarelan harrokerietan habil lerde zaku tripatsua ! Habil kontuz, bizar zuriak kapoiak, ardoa eta ikatza lapurtuz gero, larrugorritan geldituko haiz eta agur merienda. Astoak, aztoratua, kakofoniari so, gogoetatsua geratzen da. Animale babestua naizela jakiten badute, nereak egin du...

5. eta 6. mandamenduak

2009-12-19T23:26:00.000-08:00

DEKALOGO SINDIKALAREN MANDAMENDUAK
5
OSASUNA EZ DA MERKANTZIA

Horregatik, farmakoen inbestigazioa, produkzioa eta salmenta ia oso-osorik pribatizatua eta patenteen bidez babestua dagoena, herrien beharren gainetik egotea; eta bioteknologiaren inbestigazioa funtsean pribatua izatea; eta osasun zerbitzu funtsezko asko (odontologia, psiquiatria, zaharren zaintza...); eta publikoak diren osasun arlotan medizina pribatuari laguntzak ematea eta diru publikotik pribatua elikatzea
onartezina da
Ondorioz, osasungintzaren merkantilizazioaren aurka eta osasungintzaren sozializazio demokratikoaren aldeko mogimendu soziala bultzatzea premiazkoa da. Eta Jaurlaritzak eta Nafarroako gobernuak Europako estatuek gastatatzen duten bataz-bestekoaren mediaren azpitik ez egoteko, osasungintza inbertsio dexenteak egin behar dituzte.
6
PENTSAMENDU ASKEA
Horregatik inbestigazioa, pentsamenduaren difusioa, unibertsitatea eta hezkuntza osoa merkantzia bihurtzea, eta estatu gerrazale eta multinazional diru-goseen eskutan egotea, hitz batez ezagutza dirudunen eskutan preso egotea
onartezina da
Ondorioz, Europako Goi Mailako Hezkuntza Eremua (Plan Bolonia deiturikoa) bertan behera utzi behar da, analfabetismoarekin bukatu behar da eta gure herrian euskaldundu nahi duten guztiei abantaila guztiak eman behar zaizkie.

Maitzak 21eko Greba Orokorrekoak

prekarioak lehen, eta orain finkoak?

2009-12-19T01:29:00.000-08:00

El comité de empresa de SOBRINOS DE MANUEL CAMARA, SA, empresa dedicada a la consignación y la estiba y desestiba de buques, radicada en Errenteria, quiere denunciar públicamente la pretensión de la empresa de despedir a 15 de los 71 trabajadores de la plantilla. Esto es, casi un 25% de la misma. Igualmente ha solicitado un ERE para los 21 estibadores que permanecen en la empresa de un 40% de trabajo y un 60% desempleo.

Este comité de empresa (compuesto por 3 miembros de LAB y 2 de UGT), expresa clara y unánimemente su rechazo a la medida propuesta por la empresa, ya que pensamos que existen otras posibilidades de salida a la actual situación no traumáticas o no tan drásticas como el despido de 15 compañeros y compañeras y que este Comité está dispuesto a estudiar, como son jubilaciones anticipadas, u otras, a los que la empresa ha decidido cerrarse en banda, por mucho que manifieste en el expediente su voluntad de hacerlo.

De hecho la adopción de esta medida supone una ruptura del “acuerdo verbal” a que se llegó con este Comité mediante el cual existía un compromiso de afrontar este período de crisis recurriendo exclusivamente a EREs temporales y desechando la vía de la extinción de contratos a la espera de una mayor carga de trabajo. Este acuerdo permitió consensuar un primer ERE entre la Empresa y el Comité hará cosa de un año, con fecha de 19 noviembre de 2008 (en el que se alcanzó un acuerdo de un 60% de trabajo y un 40% de desempleo para 53 trabajadores). ERE que la empresa volvió a presentar unilateralmente en mayo y que afectó a estos trabajadores con otra proporción (40% trabajo; 60% desempleo, y a otros 8 con un 70/30) hasta el día de hoy.

Habría que decir que no es de recibo dicha medida, ya que los datos que se manejan de estos últimos meses indican una notoria recuperación de la carga de trabajo, en comparación con los cinco primeros meses de este año, y que las previsiones son y según los datos de la misma empresa de una importante recuperación de los tráficos para el año que viene. Se da además la circunstancia de que la gran mayoría de los trabajadores y trabajadoras están realizando más del doble de trabajo que asigno la empresa en el último ERE del mes de mayo establecido en un 40%. Es decir la tasa de ocupación de la gran mayoría de la plantilla supera hoy en día el 80% de la misma. Habría que recordar en ese sentido que ya en noviembre del año pasado la Empresa se desprendió de 17 estibadores que pasaron a engrosar las filas de la Sociedad de Estiba. Y por abundar más en esta sinrazón, reiterar lo dicho de que se propone un ERE a los estibadores de la empresa de un 40/60, cuando en los últimos meses llevan un promedio de más del 90% de empleo

Que no es de recibo además, porque con dicha medida va a haber secciones que no van a poder dar abasto a una situación normalizada de trabajo. De hecho la misma empresa deja la puerta abierta a posibles nuevas contrataciones de este personal, sólo que mucho nos tememos que en condiciones muchos más precarias. A nuestro entender está claro que la empresa quiere aprovechar esta situación para con la excusa de la crisis, adelgazar la plantilla, aumentando los ritmos de trabajo para quienes se queden, degradando las condiciones de trabajo y los derechos adquiridos por los trabajadores y trabajadoras y en última instancia sustituyendo trabajo fijo por trabajo eventual y precario.

De lo contrario no se entiende que una empresa que ha venido obteniendo más que considerables beneficios durante más de una década, no sea capaz de resistir un año de pérdidas sin echar mano a los despidos.

Ante la opción de fuerza adoptada por la Empresa y en la que no se contempla diálogo con este Comité, ambos sindicatos hemos valorado la necesidad de dar una respuesta sindical a la situación, en un intento de establecer una vía de diálogo con la misma encaminada a reconducir la situación por la vía de una negociación que posibilite la adopción de otras vías que no sean el despido de trabajadores y trabajadoras.

Como primera medida, y tras la pertinente asamblea de trabajadores y trabajadoras, y con una votación de 51 votos a favor y 4 abstenciones de respaldo a las propuestas del Comité, el pasado miércoles 18 la representación legal presentó un preaviso de huelga legal ante las autoridades pertinentes.

Así se contempla que a lo largo de todo el mes de diciembre se irán realizando paros parciales y diferentes movilizaciones y un aviso de Huelga Indefinida a partir del 7 de Enero. Las primeras semanas se llevarán a cabo paros de una hora los días señalados, que se irán extendiendo a dos horas las últimas semanas hasta llegar a la Huelga Indefinida si a ello nos obliga la aptitud de la Empresa, todo ello sin menoscabo de los recursos legales pertinentes que consideremos necesarios.

COMITÉ DE EMPRESA DE SOBRINOS DE MANUEL CAMARA, SA.

laugarren mandamendua

2009-12-19T01:12:00.000-08:00

DEKALOGO SINDIKALAREN MANDAMENDUAK
4
MUNDUAN GOSERIK EZ
Horregatik munduan 1.000 milioi pertsona gosea sufritzea eta egunero milaka haur eta heldu gosez hiltzea eta bitartean aberatsenen %2a gosez dauden 1.000 milioi guzti horiek baino ondasun gehiago izatea
onartezina da
Ondorioz Europako Komisioaren politika internazionala (herrialde pobreen aurkako lehiakortasun kriminala sustatzea, merkataritza libreko akordioak sinatzea, Munduko Bankua--Nazioarteko Diru Funtsa-- Munduko Merkataritzaren Erakundea elikatzea, Etorkinen aurkako “Lotsaren Direktiba” legeztatzea...) errotik aldatu beharra dago. Eta gosearekin negozioa bilatzen duten elikaduraren multinazionalak goitik behera eraitsi behar dira.
Maiatzaren 21eko Greba Orokorrekoak

NOR DA EPAITUA?

2009-12-14T10:59:00.000-08:00

Itxuraz eta benetan gure bost lagun horiek epaituak izango dira. Bainan itxura horren azpian hemen egiten den epaiketa demokrazia koldar eta injustoarena da.
Gure ekarpentxo bat, Jeremias-en Lamentazioen erara idatzitako poema hau:
Aaaaaaaaaaaaaats
Euskaldunen gogoaren hatsa
Egunkariak eman arnasa
Aznar izeneko pekatuari
dariola kiratsa

Aaaaaaaaaaaaaatz
Eskuz-esku egin da herria
Esku-hatzez Egunkaria
Lege ankerrez Del Olmo jaunak
bortxatzen du justizia

Iiiiiiiiiiiiiitz
Pentsamendu askearen hitza
Egunkarian bizitza
Atxilotze, tortura eta kartzelak
ez digute kendu giltza

Oooooooooooooots
Lagunari eiozu deiots
Ehundaka mila lagun ados
Bidegabeko epaia deuseztu
maitasun uholde-ahots

Ooooooooooooootz
Ezkerran daukagu bihotza
Eskubidearen jaiotza
Konstituzio espainola arrotzak
Euskara nahi gaitu hilotza

Uuuuuuuuuuuuuuts
Jaiotzen gara denok bilutsik
maitasunez ez gaudela hutsik
Epaile zitalak ez du lotsik
Askatasuna iraun zutik!!

MIKEL HARAKINAK...

2009-12-13T01:05:00.000-08:00

Herriko azokan du postua. Haragia krisia jota omen dago. Hilabete honetan zertxobait gehiago saltzen ari da, bainan azaroa larria izan da.

--Zer dela eta zure ustez krisi hau? Guztiok sartu gara zorraren ekonomian, ahal genuen baino gehiago erosiz. Eta orain kaput. Ez omen dago lanik, ez dirurik, ez etorkizunik...

--Guztiok? Bankuak ere kristoren zorra eta operazio arriskutsutan sartu, bainan horiei eman zaie dirua?

--Hori esatera nihoan. Lotsagarria da. Gobernuaren "galtza jeistea" lotsagarria izan da. Bankuei eman, kredituak bizkortzeko zela esanez... eta emandako dirua bankuen beraien egoera larria hobetzeko bakarrik da.

Mikelek erosi du krisikatzen blogak atera duen "Dekalogo sindikalaren mandamenduak". Azken mandamendua: "Itxaropena sortu eta eraiki".

Hogeitabatekoa

OROIMENAREN BORROKA

2009-12-07T22:07:00.000-08:00

Esta semana (7-12 de diciembre)Errenteria será lugar de Memoria Histórica. Histórica fue la ocupación territorial, disolución política, humillación de ciudadanos por parte de los jerifaltes, tropas y carlo-fascistas de la dictadura. Exposición (toda la semana en Xenpelar), charlas (días 9-10),documental (día 11), recuerdo-homenaje (día 12).
El 26 de septiembre de 1940, Walter Benjamín, judio comunista intelectual aleman, que había huido de los nazis de Alemania, volvía a huir de la Francia invadida por los nazis aliados del general Pétain. Huía por los Pirineos, Port Bou, cuando fué apresado por la Guardia Civil. Se suicidó. Llevaba en su mano una maleta. En la maleta un manuscrito precioso: "Tesis sobre el concepto de historia". El librito se salvó porque había enviado una copia a Hanna Harendt. Es una de los libros más famosos del siglo XX. Dice entre otras cosas:
"Entre las generaciones pasadas y la nuestra hay una secreta conformidad. Han estado bajo tierra esperándonos. Como a las generaciones anteriores, se nos ha dado también a nosotros, a nuestra generación una débil fuerza mesiánica, y el pasado nos presenta algo como un derecho sobre nuestra potencia actual. Es de justicia no dar la espalda a esa esperanza de los oprimidos del pasado".

Daniel

HIRUGARREN MANDAMENDUA

2009-12-07T08:25:00.000-08:00

DEKALOGO SINDIKALAREN MANDAMENDUAK
3
ZERGA-SISTEMAN JUSTIZIA

Horregatik inpuestotan aberatsenak gutxiena eta pobreenak gehiena ordaintzea

onartezina da

Ondorioz, zerga-sistemaren erreforma sakona egin behar da: IRPF progresiboa (eta urtean 2.000.000 €tik gorako sarrerak debekatu); ondarearen zerga berriro ezarri; enpresen benefizioen zergak handitu.

Ados???
Maiatzaren 21eko Greba Orokorrekoak

OIERREK ESAN DIT

2009-12-06T06:03:00.000-08:00

Oierrek esan dit:
"Krisia? Tipo batzuk asmatu zuten krisia.
Ze tipok? Vete a saber, diru gehiago lortzeko."
Oier, 11 urtekoa.

Krisia eta emakumeak

2009-12-04T13:43:00.000-08:00

Urrian honako titularra zuen artikulua ikusi nuen prentsan “En EEUU, trabajar es cosa de mujeres” eta ezin artikulua irakurri gabe utzi… Izan ere, zein herrialdetan, munduko zein txokotan ez da lan egitea emakumeen kontua… baina tira… lanaz baino, enpleguaz ari zen, noski! Soldata baten truke egiten den lanaz, alegia. Eta hori bakarrik ez: aitortzen den soldata baten truke egiten den lanaz… gauza guztiak behar dituzte zehaztapenak, ezta?

Handik 20 egunera, gaiarekin lotutako bigarren artikulua irakurri nuen, kasu honetan euskarazko hedabidean, eta hemengo egoeraz. Azpititularrak honakoa jasotzen zuen: Bizkaian eta Gipuzkoan emakumeen langabezia gizonek dutenaren azpitik jarri du Eustatek;. Honela amaitzeko: “…berdintasunak beste urrats batzuk beharko ditu, ordea.
Krisia emakumeen alde egiten ari dela esatea edo sujeritzea demagogikoa litzateke. Krisiek, edonolakoek, kontraesanak edo disfuntzioak jartzen dituzte agerian. Eta kasu honetan, berdintasunik eza ere agerian geratu da: langabeziak gizonengan modu nabarmenagoan eragin badu, lan-merkatuan emakumezkoak eta gizonezkoak bereizita zeudelako eta daudelako da, besteak beste. Krisiak azken urteetan neurri gabe hazi diren industrian eta eraikuntzan eragin du batez ere, eta hazi eta hazi egin diren sektore horietatik kanpo egon izanak babestu ditu, orain, ez lehen, emakumeak.

Krisiek geure buruak berrasmatzeko balio dutela diote… ea ba asmatzen dugun!

Hor doaz testuan aipatutako bi artikuluak: ez dute fenomenoaren konplexutasuna bere osotasunean jasotzen, baina ikuspegi interesgarriak ematen dituzte. On egin!

En EEUU trabajar es cosa de mujeres
Enpleguaren azken muga

Aizpea

IKASLEEN MATXINADAREN KANTA

2009-12-01T18:37:00.000-08:00

1.- Ez naiz robot (ez naiz robot)/ez naiz full-time (ez naiz full-time)/Bolonia tranpa ja ja ja......Pentsamendu aske anitza/ Bolonia zakarrontzira

2.- Ikasteko (ikasteko)/kredituak( kredituak)/prekarioentzat eginak/lan-zaborra eta zorduna/ ze bizi modu askea!!!
3.- Ikasle ardatz? (ikasle ardatz?)/Txontxongilo? (txontxongilo?)/Hariak nork mogitzen du?/Inon ez den bulegoan ta/ aurpegi gabeko botereak

4.- Ebaluazio (ebaluazio)/Jarraia da (jarraia da)/Nork zer nori da auzia!/ Kontrol zehatz ta poliziala/frakasatuak kanpora
5.- Ezagutza (ezagutza)/anorexiko (anorexiko)/gaitasun tekniko malgua/ Agintaritza ontzat hartu/langile ona otzana

6.- A eNe Ca (Aeneca)/ta Lisboa (ta Lisboa)/leihakortasun itzela/Bikaintasun dirudun eta/ gehienak bazter utziak
7.- Gradoa eskas (gradoa eskas)/Post garesti (post garesti)/Masterra ordaindu ezinik/Inbestigazio pribatua/ pentsamendu bahitua

8.- Kalifornia (Kalifornia)/ta Mexiko (ta Mexiko)/Paris, Atena eta Berlin/ Bartzelona Tokio eta Txile/Ikasle matxinoak nonahi.
9.- Asma ezazu (asma ezazu)/Koplatxo bat (koplatxo bat)/Katea luzatu hortik/ Ez gaitezen geldirik egon, egun berria iratzarri.

Hogeitabatekoa

problema matematikoa?

2009-11-30T10:43:00.000-08:00

Pentsionista batek 600 € jasotzen ditu saritzat hilean.
Herriko alkateak (periodikoak egia esan badu) 58.000€ urtean.
Zenbat aldiz gehiago irabazten du alkateak pentsionistak baino?
Egin kalkuloa.............
Emaitza atera ondoren sentitu edo pentsatu duzuna "comentarios" sailean jarri dezakezu

hogeitabatekoa.

ALDAKETA KLIMATIKOA . HITZALDIA

2009-11-29T21:50:00.000-08:00

Zer? Aldaketa Klimatikoa eta bere ondorioak, baita Magdalena Ermitan ere, eta gure erantzunkizuna.
Noiz? Abenduaren 3an. Arratseko 19,30tan.
Non? Mikelazulon.
Nork? hizlari: Manolo Gari (Ekologista eta Ezker Antikapitalistako kidea)
aurkezle:Kepa Olaiz (Ekologista eta Zutik-Gorripideko kidea)
Hitzaldiaren ondoren solasaldiaren aroa.

Sindikatu estatalei buruzko gogoetak 1

2009-11-29T13:59:00.000-08:00

Abenduaren 12rako CCOO eta UGT sindikatu espainiarrek manifestaziorako deialdia egin dute madrilen "que no se aprovechen de la crisis" lelopean. Zur eta lur geratu nintzen manifestazioko goiburuarekin. Nora begira daude sindikatu hauek? Egoera sozial eta ekonomikoa "ona" izan denean, batzuentzat behintzat, etekinak pribatizatuak izan dira eta orain, gauzak oso gaizki daudenean, galerak sozializatu dituzte. Langabezia gora eta gora ari da, irabaziak dauden enpresetan EREak aprobatzen dira naiz eta sindikatuen firmarik ez eraman eta espekulatzen eta ekonomia finanzieroan inbertitzen aberastu diren bankuei dirua eman zaie inongo mugarik jarri gabe berdina egiten segitu dezaten. Eta hala ere "ez daitezela krisiaz aprobetxatu"? nahikoa eta gehiegi aprobetxatu dira!! sindikatu batzuen konplizitateaz gainera.

Nafarroan daukagu adibide argia, gastu sozial eta lan prekaritatearen datuak hegoaldeko hiru probintzietan baina okerragoak izanik Miguel Sanzek urrezko domina eman zien lehengo urtean UGT eta CCOO sindikatuei gobernuko proiektu handietan parte hartzeko agertutako jarrera onarengatik.

Beste adibide polita Patxi Lopezen gobernuak antolatutako FES (foro economico y social) ekimena da. Dialogo sozial izenpean gobernua, patronala eta sindikatuak biltzen dituen foroa antolatu dute komunikabide guztietan agertu diren argazki bikainak ateratzeko aukera ondo aprobetxatuz. Hori bai, bertaratutako sindikatuek diru saria eduki dutela ez dute inon esan. Hori al da benetako elkarrizketa soziala egiteko modua? eta bertaratutako sindikatuei ez al die lotsarik ematen horrelako jarrera makurra agertzeak?

Sindikatu batek bere habitat naturala zein den ahaztu eta sindikalismo desnaturalizatua egiten hasten denean bere izena, eta izana, galtzeko arriskua du. Ez dago gela handi eta bilera instituzionalizatuetan bere lekua, kalean baizik. Kalean, jende artean baidauka ekimen sozial orok bere izateko xedea. Klaseko sindikatu batek ezin ahaz dezake kontrabotereko agente bezala konfrontazioa dela bere ezaugarri nagusietako bat.

Euskal Herrian Maiatzaren 21ean greba orokorrerako deialdia egin zen eta oso argia izan zen beraien jarrera. Sei hilabete pasa dira dagoeneko eta gauzak okerrera doazen honetan bi sindikatu hauek nora begira ari diren galdetzen diot nire buruari.

Espero dezagun berandu baina lehen zentzumena berreskuratuko dutela, beraien baseetako afiliatu asko oso oso aserre baitago beraien jarrerarekin. Bitartean langileok, klase konzientzia dugunok, kalean jarraituko dugu, manifestazioetan eta antonlatzen diren hainbat ekintzetan parte hartzen, gurea baita hitza eta asko baidago jokoan.

Eñaut Gracia

Argazkia hemendik ekarria CC lizentziari esker

Sr ALCALDE: Insistimos

2009-11-28T19:56:00.000-08:00

Sr. ALCALDE: INSISTIMOS EN QUE SE CUMPLA EL 0.7%

Fue en 1975 cuando Naciones Unidas lanzó un SOS a los países enriquecidos del mundo para que hicieran un pequeño esfuerzo económico y contribuir con el 0.7% de su Producto Interior Bruto a mitigar el hambre y la miseria en el mundo. Hoy día, 34 años después, siguen muriendo millones de personas cada año por no tener agua potable, por falta de alimentos y por no disponer de atención sanitaria.

Hemos insistido hasta la saciedad para que las instituciones pongan en práctica esta directriz. Sin suponer un gran esfuerzo, se trataría de aliviar el sufrimiento en el mundo empobrecido, devolviendo, aunque solo sea en parte, lo que el primer mundo ha esquilmado en el hemisferio sur. El ayuntamiento de Errenteria, a quien le hemos emplazado muchas veces para que cumpla los objetivos del 0.7%, cada vez se aleja mas de ese compromiso. Parece ser que el llamado tercer mundo no da votos.

Hasta ahora, el ayuntamiento de Errentería ha aportado cantidades en torno al 0.5% de su Presupuesto Municipal, cantidad que, referida a la riqueza, supondría el 0.25% sobre el Producto Interior Bruto. Una miseria.

Para 2010 el Ayuntamiento de Errentería nos quiere sorprender aun más. Han presupuestado para “Programas de colaboración internacional con países en desarrollo” la cantidad de 200.000 euros. Si tenemos en cuenta que el año anterior destinaron a este mismo fin la cantidad de 344.000 €, podemos concluir que destinarán un 42% menos que el año pasado.

Ya sabemos que estamos en crisis. Sabemos que el presupuesto municipal para el año que viene será, aproximadamente, entre un 15 y un 17% inferior al presupuesto prorrogado del año pasado. ¿Por qué la partida correspondiente a la solidaridad con el tercer mundo se ha de reducir más del doble que el presupuesto municipal?

No entendemos por qué, con las crisis, los que salen peor parados son los más pobres. No entendemos por qué a los ricos, a la banca, principal generador de esta crisis, se le inyecta miles de millones de euros para que el sistema, el modelo neoliberal de mercado, siga manteniéndose como hasta ahora. Para que siga la avaricia del capital, para que sigan las desigualdades, para que siga el actual e injusto reparto de la riqueza. Para que millones de seres humanos sigan muriéndose de hambre en medio de la insolidaridad. Con todo ese dinero que han inyectado los gobiernos del primer mundo a los banqueros, se habría acabado el hambre en el mundo.

Pero aun más difícil es entender que la otra avaricia, la avaricia por los votos, conduzca a muchos políticos por el derrotero del olvido de los que más sufren. El Ayuntamiento de Errenteria así nos lo ha demostrado.

Luis Alzola DNI 16.207.654 z
Pepe Pinto
Mikel Martín Conde
Lazaro Mitxelena

Y 10 firmas más.

2009-11-28T11:43:00.000-08:00

DEKALOGO SINDIKALAREN MANDAMENDUAK

2
LANA DUINA DENONTZAT

Horregatik, batzuk lan egin gabe aberastea, beste batzuk ordu extrak sartuz pobre jarraitzea eta milioika langabe etsituak egotea

onartezina da

Ondorioz, inor ez da besteen kontura biziko, denok lana izan dezaten lan-orduak murriztuko dira behar den neurrian, eta denbora librean sormena lantzen arituko gara.

Ados???

Maiatzaren 21eko Greba Orokorrekoak

Kajeroa eta emakumea

2009-11-25T12:53:00.000-08:00

Gaur, azaroak 25, arratsaldeko 19,30tan, Niessengo zabalgunean 100 bat pertsona elkartu dira "Emakumeen aurkako bortxakeria" salatzeko. Haien artean Marta, Sonia, Laura eta Fanny. Hiru esaera aurkeztu diet eta hara hemen azalpenak:
Nagore Laffageren epaiketa:
Inpotenzia sentitu dut. Nola manipulatzen duten... Asesinatoa izan dena, homizidio bihurtu. Sinistezina. Guztientzat argi zegoena, legearekin libre atera daiteke azkar samar. Injustizia bat da. Desproposito bat. Oso merkea da emakume bat hiltzea.
Juarez:
Korrupzioa, matxismo, dena bildua. Dirurik ez baduzu ez zara ezer, eta emakume izanik are gutxiago. Kapritxoz, impunitatez, nahi dutena egin dezakete emakumeekin. Eta munduak ez du ezer egiten... Harrituta nago.
Feminizidioa. Zer erantzun exkaxa! Korrupzioz betea dago auzia. Narcok, poliziak, instituzioak... saku berean, forma desberdinetan, sartuak daude.
Berdintasunaren legea:
Motza, hutsunez betea, faltsua... Lortu da lege hori egitea, bainan itxurakeria handia, ondo gelditzeko egin da neurri batean. Errealitatea, funtsean, ez da aldatu. Justizia, eta legeak, gizonezkoek eginak dira. Gizonezkoek epaitzen dute. Paperan dagoena ez da errealitate bihurtzen. Horrela balitz aurrerapauso izango litzateke.
Bortxakeria eta hilketaren foko nagusiena, ordea, gerrak dira. Demokraziaren izenean egin zen Irak-eko gerra, eta hori eta Ruandakoa izango dira azken urteetan emakumeen aurkako bortxakeriaren fokorik gogor eta latzena.
Emakumeen aurkako bortxakeriaren ondorioz gertatzen diren hilketak, askoz gehiago dira bestelako biolentziena baino. Kajero bat erretzeagatik 20 urte zigor, eta emakume bat hiltzeagatik 10 urtekoa.
Judit.

Jaizkibel mendia eta superportua

2009-11-25T12:44:00.000-08:00

Hona hemen lagun batek bidali digun bideoa.
Surflariak egindakoa da.
Helbide honetan ikus dezakezute:
http://www.youtube.com/watch?v=jzH7zKbeZA0

Urkabe

baztertuak, kolpatuak...

2009-11-24T22:48:00.000-08:00

Gaur Niessengo gunean, arratsaldeko 19,30tan elkarrateratze bat izango da. Elkarrekin oihukatu nahi da aski dela emakumeen aurkako bortxakeriarekin.
Niri burura etortzen zait maiatzak 21eko greba orokorrean kantatzen genuen "kaixo, kaixo" abestiaren zati hura:
Baztertuak/kolpatuak/ eta azkenian hilak..... duintasunik ez dugu izango/ hau gertatzen den artian...
Eta esperoan nago Aizpeak blog honetan argitara eman nahi duen emakumea eta krisiari buruzko gogoeta irakutzeko.

Judit

EGUNKARIA-HITZALDIA

2009-11-24T10:15:00.000-08:00

Ostegunean, 19,30tan, Xenpelar etxean…..
Hitzaldia, hitzaren hitzarmena askatasunarekin eta egia bilatzeko borondatearekin.
Hitzaldia, Oleaga eta Sors, herrikoak eta epaituak.
Bonoak salgai: ez egin uko ohoreari, erosi bonoa, zaindu geroa.
Joseba

KORNELIOK ESAN DIT

2009-11-19T05:24:00.000-08:00

Lehengoan Cine Reynan nengoela Corneliorekin egin nuen topo. Egunkaria dela eta ez dela, diru-kontuak direla eta ez direla... Honako hau kontatu zidan: "Maiatza aldean begirada bat eman nion gure negoziaren balantzeari eta miura bat bezala atrapatua gelditu nintzen. % 15eko jetxiera. Etsipenaren amildegian erortzeko arriskua ikusita, erabaki nuen ez nuela hilabete batzutan horrelako liburuari begiratuko. Lana bai, badiagu, bainan dirutan behera egin dugu. Dena den, aurtengo bukaerarako zertxobait hobetuko dugula espero dut. Aldiz, supermerkatu handiek, bestela badirudi ere, kolpe latzagoa jasan dute. Nire ustez, supermerkatuekin gertatu da gauza bat: zerbait beharrezkoa erostea joan eta hain beharrezkoak ez ziren beste hamarrekin atera. Orain berriz, zentimoari gehiago begiratzen zaio. Eta superfluoa dena, horixe da lehen lehenik baztertzen dena. Bainan horixe zen, agian, supermerkatuen iturri emankorrena: kontsumismora bultza eta bultza, bainan ezin danean ezin da".
Hogeitabatekoa

MANDAMENTUAK

2009-11-16T05:34:00.000-08:00

Hona hemen dekalogo sindikalaren mandamentuak. Harrizko paperetan marraztu ahala argitara emango ditugu krisikatzenen uhinetan. Gaurkoz

LEHENENGO MANDAMENTUA:

DIRU-SARRERA DUINA HILERO

Horregatik, 1000 euro baino gutxiagoko diru-sarrerak
onartezinak dira.
Ondorioz, 600 euroko pentsio guztiak 400 eurotan igoko dira, eta horrela, gainontzeko diru-sarrera exkax guztiekin.

Ados????

Maiatzak 21eko Greba Orokorrekoak.

bigarren eskuko azoka

2009-11-15T05:51:00.000-08:00

Azaroako 15ean, igandeko goizpartean, Errenteriako Zumardia postuz eta jendez gainezka zegoen. San Markos Mankomunitateak antolatzen duen "bigarren eskuko azoka"-k, Oreretan zuen hitzordua.
MBB egitasmoa lantzeko asmoarekin antolatzen dute azoka hauek.
M....murriztu zabor/soberakinak.
B.....Berrerabili erabilitakoa.
B.....Berziklatu.
Horrekin batera konposta egiteko ontziak, publizitatea ez etxean eta holakoak....
Giro ona. Antolatzaileen aldetik hizkuntz-oreka egokia. Eskusoinu txiki bat (eta berdaderoa) erosi nuen. Haur-gaztetxo bat saltzaile. Erregateoan aritu ginen. Moldatu zen bikain. Musika-piezatxo bat oparitu nion. Amona txaloka.
Denetarik zegoen: panpinak, eskusoinuak, liburuak euro batean, arropak, pitxiak, artisautza, zaharkitutako monetak, apaingarriak, zapatak, biniloak, zintak, DVDak, giltzak gordetzeko kutxatxo panpinez apaindua eta zerrenda amaigabea.
Ekimen interesgarria, esanguratsua. Krisi garaitan aurre egiteko lagungarria. Honi buruzko informazio zehatza www.gipuzkoa.net/san-marcos eta baita ere "donostitruk"

Egunkaria-epaiketa eta krisia

2009-11-15T02:49:00.000-08:00

Harremanik ikusten? Pentsatzen jarrita...
Egunkariaren auzia oraingo krisi honek eztanda egin aurretikoa da. Bai. Bainan iraganak eta orainak izkutuko loturak dituzte.
Eman dezagun "behekoen esperantza" handitzen doala, autoantolakuntza, giro aske eta konfidantzazkoa, duintasunaren oihu bizkorra... Ez al da esperientzia "prebentiboa" nahi dutenean behekoen ahotsa ezabatzea? Alderantziz, Egunkariarekin egiten ari diren desmasiari erantzuten ez badiogu, ez gara ari borrokatzeko libertadea gutxiesten?
Bada.... azaroaren 26ean hitzaldi bat izango da Errenteria/Oreretan "Egunkaria Auziari" buruzkoa. Eta martxan da jadanik 10€ eta 50€-ko bonoen salmenta. Eta larunbatero jarriko dira mahaiak herrian. Eta Kurtsaalen ekitaldi artistiko erraldoia egin behar da hil honen bukaeran.... Eta kamisetak ere salgai daude...
Eta noski ohore handia izango da zuretzat..... bonoa edo kamiseta erostea... eta are ohore handiagoa bonoak eta kamisetak saltzen laguntzea...... Zure esku!

Ainhara.

bukatu da, bukatu da H.A. 2009

2009-11-15T02:25:00.000-08:00

Duela hamabost bat egun, Herrien Asteko kartela jarriz, hasi zen Herrien Astea. Haurrek egindako marrazkiekin osatutako kartela zen. Haur batek marrazki ondoan idatzi zuen: "kaixo lagun" (marrazkia bera ez bezelako etorkin baten erretratoa zen).
Atzo gauean, Honduraseko menuaz eta kantuez ospatutako afariarekin bukatu zen. Eta afarian irakurri zen irailaren 23an Gabriel Impaglionek idatzitako poema: "Al niño de Tegucigalpa"
Hecho de tres tallitos de jazmin y de tres costillas,
nudito de sol en mitad de la calle,
puñadito de ojos hondos de Honduras que padece que lucha y se renace
ese niño
resplandece.
Alrededor armados de niebla los verdugos
y su negra tiniebla alrededor y adentro,
no saben si matar o disolverse en luz hasta morir sin gloria"
Al niño que vi en una fotografía, sacando pecho, desnudo, frente a varios militares.
Oreretako haurren lanarekin hasi zena, Tegucigalpako haurren adorearekin bukatu zen. Gora Oreretako eta Tegucigalpako haurrak!

Mikaela.

Sinadurak eta detaileak

2009-11-15T02:11:00.000-08:00

Azaroaren 11an, mahai bat jarri zen Iztietako Osasun Zentruaren sarreran. Maiatzak 21eko greba orokorraren sindikatuek abian jarri duten dekalogoaren informazioa eta sinadura bilketa iritsi zen anbulatoriora. Gero "batzar" txiki bat egin zen... lau langile elkartu bait ginen. Osakidetzako erabiltzaileren bat nahi izango balu sinadura bilketa honeta parte hartu, aski du josebarekin hitzegitea.

Hona hemen jaso ahal izan dudan ohartxoa:
"A partir del 1-11-2009 sólo se van a sellar como máximo:
--3 recetas de pañales cada dos meses
De estas sólo 1 puede ser de Super Noche
Las otras 2 pueden ser: 2 de día;2 de noche; 1noche-1día.
Zer iruditzen? Edo adineko jendea pixa gehiegi egiten du? Edota "pañal" gehiegi erabiltzen du eta despilfarro bat da? Edota Osakidetzak gerriko estutu behar du eta medikuntza pribatura doan diruaren flujua kontrolatu beharrean, adineko aiton-amonen flujua estutu nahi du?

"Begira zer pasatzen da sondekin: Sondak orain lehen bezala dohain hartzen ditut. Bainan lehen sondak merkeagoak eta hobeak ziren; orain kanbiatu dute sondak eta garestigoak dira eta txarragoak". Ezin dut esan irizpide hori zuzena den ala ez, bainan bizipena horixe dela bai.

Joseba

Herrien Astea 2009. Gosetien balada

2009-11-12T07:26:00.000-08:00

Ideia sustatzailea: Inaxito Albisu
Hitzen eskribidorea: Joseba Barriola.
Musika: “Bereterretxen Kantoria”-ren egilea.

ESTRENALDIA: MIKELAZULO, AZAROAK 13, 19:30tan.
Bideoa: Anparo Arevalo
Kriskitinak: Inaxito Albisu
Eskusoinua: Joseba Barriola
Ahotsak: Olatz, Tatiana, Joseba.
Korua: presente direnak murmurio batean.

José Luis Sampedro krisiari buruz

2009-11-08T13:59:00.000-08:00

José Luis Sampedro idazle ezaguna izateaz gain, ekonomista ere bada. Bideo honetan krisiaren inguruan pentsatzen duena labur baina zehatz azaltzen du. (Ez egin kasu handirik aurkezleei)

Iturriren harrikada batean ikusia.

by birasuegi

herrien astea: aldarrikapena

2009-11-08T05:16:00.000-08:00

"2009ko Herrien Astearen kartela 6-16 urte arteko haur-gaztetxoen marrazkiez osatua dago. "Pinta ezazu bestea, zu bezelakoa ez dena" esan genien. Eta haur batek marrazkiaren ondoan jarri zuen: "kaixo lagun".
Haur horren adimena, etika eta giza-zentzua askoz ere sakonagoa da Europako Komisioarena baino. Haur horrek ulertzen du Galeanoren "Patas Arriba" liburuan esaten dena: "En la escuela del mundu al revés nos enseñan a ver al otro como un amenaza, en vez de verlo como una promesa".
......".
Aldarrikapena luzeagoa da. Eskuratzeko gogorik izanez gero Mikelara deitu eta eskatu.
Olatz

HAMAR URRATS: pentsa eta kalera

2009-11-08T04:28:00.000-08:00

Hamar Urrats: pentsa:
Zerga sistemaren aldaketa sakona:
a) Presio fiskala
Erkidego Autonomo Baskoa. Presio fiskala: BPG-aren % 33,2
Nafarroako Foru Komunitatea. Presio fiskala: BPG-aren % 32,5
Espainiako Estatua (bataz beste)Presio fiskala: BPG-aren % 36,5
Europa(bataz beste) Presio fiskala: BPG-aren % 39,9.

Hegoaldeko presio fiskala Europakoaren antzekoa balitz, urtero bilduko lirateke 5.417 milioi euro gehiago.

b) Nork ordaintzen du: (2007ko datuak Erdikego Autonomoan)
zerga zuzenak (lana, IVA, Soziedadeen zerga...)......6.601,2 milioi euro
zeharkako zergak (kontsumoari lotuak)............... ...6.119,3 milioi euro

zerga zuzenak:
IRPF.....(langileak)...........................4.458,2 milioi euro
BEZ-a..(azken kontsumitzaileak)....4.265,5 milioi euro
Soziedadeen zerga........................... 1.692,2 milioi euro
Bestelakoak...................................... 1.044,6 milioi euro
Hitz batez, zeharkako zergak + IRPF + BEZ-a...... zerga sistema langilegoaren izerdiaren gain eratua dago.

c) Patrimonio gaineko zerga: kendu egin dute.
Arrazoia? Iruzur handiak egiten zirela, sistema ez zuela funtzionatzen...
Soluzioa? Zerga kentzea.
Ondorioa? 1,5 milioi euro baino gehiago zutenek, bataz beste, 20.000 euro urtero ordaindu behar zuten. Eta bazeuden milaka pertsona batzuk egoera horretan. Egin biderketa, eta pentsa zenbat diru oparitu dizkiete gobernu autonomikoek, foralek eta espainiarrek aberatsenei....
Hamar hurratsetako bat da: zerga sistemaren aldaketa sakona.

Hamar urrats: kalera.
Dekalogoaren sindikatu sinatzaileek pentsatu dute sinadura bilketa handia egitea. Kanpaina marraztua dago. Laister kaletan, enpresetan... Adibidez, azaroaren 11an, mahaiak jarriko dira Iztieta eta Beraungo osasun-zentruen atarian. Egun bererako, batzarrak egiteko deituak daude lantoki horietako langileak.

IKASLE FULTIME ERTAINETAN

2009-11-07T23:32:00.000-08:00

Ertainetako ikasleak aldaketak sumatu dituzte kurtso berrian eta agobiatuak daude. Hasarre hasieratik exijentzia exajeratuak jarri zaizkielako. Iritsi dira azterketak eta hasierako amorrua, etsipena bihurtzen ari da. Filosofia, matematika, historia... bapatean ikasi beharreko gaiak biderkatu dira. Filosofian, adibidez, lehen 5 filosofo handiak ikasi behar ziren, orain berriz 10. Badirudi irakasleei furia bat sartu zaiela eta orain urte betean ikasi behar da lehen bi urteetan ikasten zena.
Kexu daude ikasleak. Jarri zaien programari jarraitzeko egun osoa egon behar dira orduan sartzen. Klasetik aparte beste lau ordu gehiago liburuen gainean. Ez da denbora gelditzen borondatezko gauzak egiteko:arraunean aritu, lagunekin solastu, koru batean parte hartu, talde erreibindikatiboetan parte hartu... Bizitza=liburuak, eta gero azterketaren presioa. Irakasleek ere ez dakite zergatik eman den aldaketa hau. Eskola ordutan batzutan aspertzen dira, besteetan ez. Bainan denbora guztian somatzen duten presioa azterketak aprobatu beharra. Ikastea, mundu berriak aurkitzea, garai bateko anima ulertzeko filofoek izan duten habilidadea miraritzea, matematikaren magia atzematea, poeta handien lilurakin gozatzea....? Zer da hori! Begira azterketa daukat eta ezin dut holako gauzekin "denbora galdu". Zergatik gertatzen ari den hau dena? Ikasle batzuk badute susmoa Bolonia prozesuarekin zer ikusterik baduela.

Maixu

ANUNCIO DE NOVARTIS (FARMACEUTICA)

2009-11-06T01:38:00.000-08:00

“El control en tus manos”.
Se trata de una publicidad de la empresa escrita en el envoltorio de papel carísimo que reparte en los centros de salud a los médicos. Muy sutil ¿no? El boli en la mano, con el boli controlamos…¿qué? Puede el médico con ese bolígrafo recetar las medicinas que produce Novartis. De modo que el bolígrafo es un instrumento para aumentar los beneficios de Novartis. ¿Quién controla a Novartis?
Pero ¿quién es Novartis?¿Puede alguien explicármelo?

Urkizurena.

herrien astea 2009

2009-11-05T13:47:00.000-08:00

Mikelazulok 2009ko azarorako prestatu duen Herrien Astearen kartela eta egitaraua: bitxia, sakona, alaia, irudimenezkoa, goxoa, argia, sendoa.... Ikusi, ikusi!

Krisikatzen jaiotza festa

2009-11-03T09:20:00.000-08:00

Gaur arratsaldeko 6tan modu espontaneoan eta festatxo txiki bat eginez, behar den bezala sortu da Krisikatzen bloga, blog autologo, autonomo eta autoeratua. Lanetik bueltan izan dut notizia eta bertan parte hartzeko konpromisoa hartu dut berehala. Helburu anitzeko bloga, taldea, gure herriaren krisi egoera depresibo honi buelta ematera datorrena. Hemendik aurrera herriko jendearekin metaketa bidez aurrera aterako dugun proiektua. Ongi etorri Krisikatzen!

Dicen que gritar alivia. Para eso ha nacido krisikatzen, para dar la palabra a los que sufrimos con la crisis, para poder gritar y vivir esta crisis de una manera más humana. Para denunciar a los que nos han llevado a esta situación y para consolar a los que la sufren. Un abrazo muy grande a este recien nacido. Esperemos que venga con un pan bajo el brazo. Gora krisikatzen.

Txanpan argia eta ardo beltza. Gure herritik Balin dauden Karmele, Julia, Nati eta abarrekin topa eta opa egin dugu jaio berriarentzat sorginkeria guztiak desiratuz.Argia (txanpaña) eta haragia (ardoa). A zer lotura!!!. Gora Kizikatzen!

Beñat,Jabi eta Joseba.

Mintzagaia: krisia

2009-11-02T09:18:00.000-08:00

Kafetxo baten inguruan bildu gara Niessen-go Muruarekin, Papresa-ko Alcalarekin, Catelsa-ko Olaizekin, Portu-ko Izquierdorekin eta Masti-ko Olaizolarekin. Bost enpresa esanguratsuak bailaran. Mintzagaia: krisia.

Denetan egon badago “krisiaren sentimendua” bainan momentuz krisiak ez du berdin ikutu enpresa hauen produkzioa. Niessenen lana behera egin du nabarmenki, Catelsan (automoziorako lana egiten bait du) %50 jetxi da produkzioa, Portuan (kotxeak eta etxegintza ziren giltzarriak) asko jetxi da. Bainan Papresan produkzio mantendu egin da, nahiz eta abenduan behera gogor joko zuela beldur izan. Produkzioa mantendu da, bainan ez dakite zer preziotan ari diren saltzen eta “errentabilitatea” nolakoa den ere ez. Beldur horren harian Enpresak batzar batean errelebo-kontratoa kentzea proposatu zuen. Momentuz ez da neurria aurrera eraman. Eta Mastin “kontadore elektronikotan” puntako enpresa denez, horri esker, produkzioa mantendu da. Duela bi urte garraiolarien greba egin zenean nabaritu zuten krisia. ERE mugatu bat ere ezarri zuten. Bainan gero lanez ondo dabiltzate. Egia da enpresako langile kopurua nabarmen jetxi dela, eta azken lau urtetan lana uzteko intzentiboak erabili dituztela. Lau urtetan 250 langile izatetik 93 izatera pasa dira. Eta gero daukate “ebentualen dantza”. Gaur bai, bihar ez...
Enpresa denetan lan-malgutasuna geroz eta handiagoa da. “Flexibilitate” hitz polit horren atzean zer dago? Portuan “ebentualak” ia desagertu dira lantokitik eta langile finkoen artean despidoen mehatxua marrazten hasi da. ERE aplikatu dute eta orain soldaten izozketa proposatu dute. Catelsan, berriz, oporrak enpresaren beharretara moldatzen hasi ziren (udako oporrak neguan gastatu), bigarren saioan ostiralean jai oporrak gastatuz, gero 6 hilabeteko ERE, eta orain, langileen protestak tarteko, 3 hilabetekoa. Horri erantsi behar zaio errelebo-kontratua kentzea. Zertan da flexibilitatea Niessenen? Errelebo-kontratua mantentzen da, bainan hemen izan beharrean, multinazionala denez, agian Andaluzian edo beste nonbaiten mantentzen da. Gainera lana gutxitu denez, produkzio eskaeren arabera lanpostuz aldatzen dute jendea, kategoria handiagotara edo txikiagotara lan-sari berdinarekin. Lan postu batean espezializatutako langilea bukatzen ari da. Papresan flexibilitatea Niessenen antzekoa da.

Krisiaren aurrean egin den mobilizaziorik handiena, dudarik gabe, maiatzaren 21eko greba orokorra izan zen. Modu diferentez bizi izan zen greba hori fabrika hauetan. Hona hemen egindako aipamenak:

Papresak ez zuen, egia esan, grebarik egin. Makina bat geratu zen goizean, bainan arratsaldean martxan zegoen. Sindikatu guztiek ez deitzea eragina izan zuen. Ez zen batzarrarik egin eta kartelen bidez egin zen deia. Sindikatu bat gogor kontra azaldu zen. Grebaren aurrean erresistentzia giro bat nabaritu zen. Nahiz eta krisiaren sentimendua orokorra izan. Fabrikan produkzioa bai, bainan senideak, lagunak, auzokideak direla... denak daude krisiaren sentimenduan.

Niessen-en, aldiz, %80 atera zen greban. Besteak batez ere administrazioko langileak izan ziren. Giro oneko greba izan zen. Bainan Niessen krisian zeraman urte bete eta sindikatuen erreakzioa oso berandu iritsi zen eta nahiko motela izan zen. Greba ondo egon zen. Jarraipena ordea adorerik gabea. Orain krisiari aurre egiteko greabara deitu zuten sindikatuek atera duten “dekalogoa”-rekin planak egiten hasi dira.

Mastin greba egin zen. Batzarra egin zen. Batzarra bizia izan zen, jende askok hitzegin zuen. Gustora atera ziren. Administrazio jendea eta ebentual batzuk ez ziren greban integratu.

Eztabaida orokortu zen solaskideen artean. Krisi hau berezia dela, batez ere azken 20 urteetan ebentualitatea, kontratu zaborra, prekarietatea izugarri zabaldu delako eta hori izan dela krisiari aurre egiteko erabili duten koltxoia. Prekarioak kalera, prekarioen lan baldintzak gehiago estutzea. Ebentualen gain enpresek egiten duten presioa handia da. Kaleratzeko mehatxua etengabea da. Aski da kontratua haustea. Kontratua mantentzeko ebentualen artean lehiakortasuna dago. Sindikalistekin hitzegitea nota txarra da enpresarentzat. Hori larritzat hartzen du Olaizolak. Orain enpresa zatitua dago: finkoak, adinekoak; eta ebentualak gazteak. Bestalde ERE-k badu bestelako eragina: langileen organizazioa eta borroka zailagoa bihurtzen du. Baldintza hauetan maiatzak 21eko greba beharrezkotzat jotzen zuten gehienek. Sindikatoek aldiz, finkoen sindikatoak dira, gehienbat, eta gainera, batzuk menpekotasun handia dute estatuarekiko, harengandik jasotzen bait dituzte dirutza handiak.
Elementu hauek guztiongan eragina izan dute. Sindikatu borrokalariak ere lotan bezala egon dira. Bainan batez ere, eztabaida nagusia, negoziazioan sinisten dutenen eta mobilizazioan sinisten dutenen artean kokatzen zen.

Joseba Barriola

Hamar urrats

2009-11-02T09:06:00.000-08:00

Maiatzak 21eko greba ederraren ondoren. Urratsa eman zuten, poztu ginen, saiatu ginen eta, gero, krisikatzen sortu genuen. Krisia sakontzen doa eta sindikatuei kostatu zaie, bainan azkenian hamar urrats emateko prest agertu dira. Eta gu poztu gara.
Hamar urrats proposamena duzu laguna esku tartean. Zer egin horrekin?
1.- Gogoeta sakonak egin: bankaren sozializazioa? Lan orduak gutxitu edo ordu extrak sartu? Osasuna eta Unibertsitatea jabe pribatuen eskutan utzi (elikaduraren multinazionalak, farmazeutikoak, inbestigazio holding pribatuak…)? Gure harreman afektiboak krisiaren zerbitzura jarri? Kontrol poliziala mobilizazioen aurka edota ekonomiaren inguruko erabaki demokratikoak? Zerga sistemaren errotikako aldaketa? Krisia gainditzeko kontsumo aregotu eta kotxe gehiago egin eta lurra kutsatzen jarraitu?
Gogoetak egin eta lagunekin eztabaidatu. Zergatik ez egin HAMAR URRATSEN FOROA.
2.- Sinadurak bildu. Jai giroan, txarangarekin, mahaiak kalean eta mahai bakoitza etabaidagune eta krisiari buruzko umore gune bihurtu….
3.- Ez al da inor mogituko mobilizazioak antolatzen hasteko. Adibidez, banketxean aurrean “Kreditoaren Sozializazioa eskatuz”?

Zaborrak Donostian

2009-11-02T00:42:00.000-08:00

Muchos vecinos de Donostia creen que es un abuso la subida de la tasa de basura. Este año asciende a a 109 € en Donostia. En 5 años se ha duplicado. En Pasaia pagan 54,8 €; en Lezo 60€; en Lasarte 67,30€; en Errenteria 82,5€; en Hernani 90€.
Teniendo una Mancomunidad y un plan integral de basuras no se ve claro el porque de esas diferencias, pero en todos los municipios suben las tasas. Y las suben, dicen, porque, el plan integral de basuras (incineradora) es caro. Pero la incineradora la están poniendo contra la opinión de la provincia. Encuesta encargada por el Alcalde señalaba que el 67% de los donostiarras están en contra. La alternativa a la incineradora, la política de disminución de residuos y reciclaje masivo sería más ecológica, más sana y más barata.
Eguzki de Donostia propuso a los vecinos hacer una huelga de brazos caídos entre el 13 y 25 de octubre: llevar la basura a los contenedores, pero no dejarla en los contenedores sino fuera de ellos

ETBko iragarki bat

2009-11-02T00:41:00.000-08:00

¿Has visto el vídeo de Eusko Jaurlaritza sobre el comercio? Corriendo, todos sonrientes, corriendo, sin tiempo de mirarse, corriendo... El panadero a la peluquera, la peluquera al tendero, el tendero al fontanero, el fontanero al tabernero, el tabernero... ¿Qué pasa de mano en mano? Dinero. Que corra el dinero, que corra el dinero.... ¿ Pero dónde está el dinero? ¿Cuánto vale el pan? ¿Quién pone precio al pan?¿Y estará el pollo sano? ¿Tendré acaso que renunciar a la peluquería? No, no, un gin-tonic no, ponme un chiquito corriente!... El comercio es una fiesta y el comercio nos hace. ¿Será cierto?¿Seremos imbéciles? ¿Qué te sugiere este anuncio?
Urkizurena

GRIPE A-ri buruzko galderak/gogoetak

2009-11-02T00:28:00.000-08:00

GRIPE A-ri buruzko galderak/gogoetak:

1.- Txerri eta hegaztien produkzio sistema industrialak ( milioika animali kontzentrazio eremu infernaletan; antibiotikoaz blai...) zer ikusteko al du gripe aviar eta gripe porzinaren agerpenarekin?
2.- Osasunaren Erakunde Mundialak ba al du pandemiak garaiz detektatzeko eta gero aurre egiteko prestakuntzik, edota elikaduraren multinazionalen menpe egonik ezin du prebentziorik egin eta multinazional farmazeutikoen menpe egonik ezin ditu inbestigazioak eta prezioak irabazi-etekinen morrontzatik askatu?
4.- Nor da Tamiflu-ren gripearen aurkako txertoaren patentea duen enpresa? Rumsfeld Irakeko eraile eta torturatzailea. Zenbat milioi txertoa saldu ditu?
4.- Gripe A delakoaren hilkortasun tasa gripe arruntaren %1koa da. Zergatik piztu dira horrelako alarmak?

"No es la naturaleza ni una conspiración, es el sistema" Jaime Baquero

CAMPANAS POR LA GRIPE A from ALISH on Vimeo.

Herri lanen ingeniaritza teknikoa. Ikasle ful time.

2009-11-01T23:42:00.000-08:00

Hauxe da irailaren 21etik urriaren 25erarte jarri diguten ordutegia:

1.- Irakaslek emandako klaseak.........................25 x 4.............100

2.- Bakarka konektaturik egin beharreko lanak:
Fisika..................................................80,30
Matematika...............................................20
Gaiak......................................................12
Autocad.....................................................3
Kartografia.................................................8

3.- Taldeka egin beharreko lanak:
Fisika........................................................3
Ekonomia....................................................6

Hauek dira derrigorrezko lan-orduak............DENERA.......................232,30

Aparte matematikako examina prestatzeko astebukaera.

HILEAN.................................232,30 ORDU.
ASTEAN................................ .46,24 ORDU.
EGUNEAN (larunbata/igandea jai)..........9,16 ORDU.

Latinoamerica Mikelazulon

2009-10-19T13:27:00.000-07:00

Mundubat organizó el pasado lunes 19 de octubre una interesante charla sobre movimientos sociales y luchas en latinoamerica. Hicimos unas cuantas fotos para vosotras y vosotros.

Gosetien Balada (Poema)

2009-10-19T07:39:00.000-07:00

Hasiera:
Gose direnen balada, orain goaz kantatzera
Milatan mila jende xumeen samina deklaratzera.
Hemen aipatzen direnak, Euskal Herrian gertatuak,
Mundu osoan altxatzen dira gosetien matxinadak.

1
Arruabarrena Mendarte, Joxe Joakin dut nik izena
Hirurogeitan sartu naiz eta, Olidenen dut ohea.
Lekuonan naiz jaioa, aita nuen idizaina,
Gure etxea autopistakin gelditu zen erauzia.
Baserritik fabrikara, oi emigrazio garratza
Tajo enpresan lanarik gabe, kale gorrian zein latza.
Andre gaixoa tristuraz, joan zaitan zeru aldera,
Paroan pisu ezin ordaindu, hemen nago negarretan.

2
Deitzen naute Pumacihú, Errumaniatik etorria
Erreka bazterrean daukatu nik, txabola ikusgarria.
Txautxesku gizon krudela, urrezkoak ditu komunak
Sozialismo izena zikindu, langileak irainduak.
Altzairuzko hesiak, ustelak eta eroriak
Putreak ager dena lapurtu, orduantxe komeriak
Hementxe nabil penetan utzirik han famelia
Nire haurtxoa lau urtekoa orain eskolan hasia
3
Nire laguna Oke Jou, beltza alai ghanatarra
Bere bizitzan poza erein du, jaso ordea negarra.
Hamaika urte beteak, polizoi itxasontzian
Esklabu gisa Amerikara, herri kantak ezpainian.
Hitz emana hitz betea, etxean irakatsia,
Alokairuzko etxea erre zan, nagusiak bota kalera.
Errenterian Oke Jou, ama lurra bere begitan,
Gezur gabeko mundu berria, pir-pir bere bihotzean.
4
Tanger hirian jaioa, kale-mutil Hamza txiroa
Europan nuen ametsa baina, hemen naiz moro gaiztoa.
Tanger hiriko zokoan, oi ai zer menta ederrak!
Ederrak ziren bizkar gainean jaso nituen zigorrak.
Melilla itxas zabala, oi ai zer hesi krudela
Laguna galdu nuen jauzian, hesian harilkatua.
Babes etxean zaindua, aurpegietan etsaigoa
Zakur amorratuak bezala, susmo txarrez kutsatuak.
5
Preibit ukraniar erara, Olena nire grazia
Desiratzen nauen begiradak, barruan du malezia
Akorazatu Potemkim, gero sobieten iraultza
Eskolatu ninduen sistemak, usteldua zegon jada
Harrapariak saldoka, iraultza arrosa faltsua
Hondoratu zen estatua ta, miseria latza tristea.
Senarra nuen militar, ardozale eta bortitza
Miserian eta kolpatua, aldatu nuen bizitza.
6
Nire izena Williams da, Pitxiyakun naiz jaioa
Txatxi herrian, Ecuadorrean, Lurraren erdigunean.
Ohianeko indioak, Lurraren zaintzaileak,
Gure oihua entzun dedila, Euskal Herriko lagunak.
Lapurtu ziguten lurra, geure bizitza hautsia.
Basoan ezin, hiritan zabor, orotan mezpretxatuak.
Begiramenduz elkarri, zubiak egin ditzagun,
Gure hizkuntzak, jakintza, Lurra zain dezagun elkarrekin.
7
Jateko grinaz haziak, edozeren erosleak,
Urrezko kopetan hartzen dugu, zital-ergel heriotza.
Mundu gehiena gose da, gutxiengoa aspertua
Oparotasunean exkax da, bizi-nahiaren gosea.
Diru-botere gizonak, planetaren desgrazia
Lur eta uraz ase ezinik elikatzen dira gerraz.

Bukaera:

Ambolo akiva denori, Kristina Ndong nik gogoan
Bere samina bere irria, izan bitez bizigarri.
Gose daudenak herrian, ez dira bat eta ez mila,
Bos mila miloi ahots bilduak, eraikitzen miraria.

Joseba Barriola.

Kale tristea

2009-10-19T07:34:00.000-07:00

Hitzegin dut Manolo zapatariarekin. Bere negozioa mantentzen da, zapatak konpontzea merkeagoa bait da berriak erostea baino. Hala ere, nabaritu du jendeak, geroz eta gehiago, xentimora begiratzen diola. Berak lana egiten duen kalean, herriko erdigunean, aspaldiko ohial denda, nagusia jubilatuta, itxi da eta ez dirudi berriro martxan jarriko denik. Pausu batzuk aurrerago Urbieta dendak denbora darama itxita eta zeroan dago. Pareko kalean Rass taberna itxita dago, alokatzen edo saltzen da. Negozio txikiak ireki-itxi ari dira. Manolok esaten du: kalea triste dago.
Umaran